Драгуцін Гаранавіч-Крамбэргэр

Драгуцін Гаранавіч-Крамбэргэр
Дата нараджэньня	25 кастрычніка 1856(1856-10-25)
Месца нараджэньня	Заграб, Каралеўства Харватыя[d]
Дата сьмерці	24 сьнежня 1936(1936-12-24) (80 гадоў)
Месца сьмерці	Заграб, Саўская банавіна[d], Каралеўства Югаславіі
Месца пахаваньня	Мірагай[d]
Месца вучобы	Тубінгенскі ўнівэрсытэт Заграбскі ўнівэрсытэт
Занятак	антраполяг, палеантоляг, археоляг, прафэсар унівэрсытэту
Навуковая сфэра	геалёгія
Месца працы	Заграбскі ўнівэрсытэт
Сябра ў	Сэрбская акадэмія навук і мастацтваў[d] і Харвацкая акадэмія навук і мастацтваў
Драгуцін Гаранавіч-Крамбэргэр у Вікісховішчы

Драгуцін Гаранавіч-Крамбэргэр (па-харвацку: Dragutin Gorjanović-Kramberger; 25 кастрычніка 1856 году, Загрэб, Аўстрыйская імпэрыя — 22 сьнежня 1936, Загрэб, Каралеўства Югаславія) — харвацкі геоляг, палеантоляг і антраполяг. Ганаровы грамадзянін Загрэбу, Крапіны і Карлаваца.

Біяграфія

Нарадзіўся 25 кастрычніка 1856 году ў Загрэбе. Вывучаў палеанталёгію ў Цюрыху і Мюнхэне, атрымаў доктарскую ступень у Тубінгене ў 1879 годзе, ягоная дысэртацыя была прысьвечана закамянеласьцям рыб. Пасьля курыраваў аддзел мінэралёгіі і геалёгіі Харвацкага нацыянальнага музэю, цяпер вядомага як Харвацкі музэй натуральнай гісторыі.

З 1883 па 1924 гады быў супрацоўнікам Загрэбскага ўнівэрсытэту, а з 1893 году ўзначальваў факультэт геалёгіі і палеанталёгіі. Ягоная навуковая дзейнасьць ахоплівае палеанталёгію, стратыграфію, тэктоніку, палеокліматалёгію, гідраграфію, прыкладную геалёгію і геалягічнае карціраваньне.

У 1909 годзе заснаваў Геалягічнае таварыства Харватыі і Славоніі, а ў 1911 годзе заснаваў часопіс ад таварыства. З 1909 году зьяўляўся чальцом Харвацкай акадэміі навук і мастацтваў.

У 1899 годзе зрабіў важнае адкрыцьцё, выявіўшы паблізу гораду Крапіна вялікую колькасьць парэшткаў дагістарычных людзей, гэтак званых «Крапінскіх неандэртальцаў». Дзякуючы дэталёваму вывучэньню знойдзеных шкілетаў лічыцца заснавальнікам сучаснай палеоантрапалёгіі.

Вонкавыя спасылкі

• Музэй нэандэртальцаў у Крапіне