Таісія Доўнар

Таісія Доўнар
	Таісія Доўнар; лац. Tajisija Doŭnar
Дата нараджэньня	15 кастрычніка 1944 (80 гадоў)
Месца нараджэньня	Шацак, Рудзенскі раён, Менская вобласьць, БССР, СССР;
Месца вучобы	юрыдычны факультэт БДУ (1973); Шацкая сярэдняя школа[d] (1961); Мінскі дзяржаўны медыцынскі каледж[d] (1964);
Занятак	дацэнтка, юрыстка, лектар
Навуковая сфэра	юрыспрудэнцыя
Месца працы	БДУ;
Навуковая ступень	доктар юрыдычных навук[d] (1997)
Навуковы кіраўнік	Язэп Юхо
Узнагароды	Грамата Міністэрства адукацыі Рэспублікі Беларусь[d] прыз імя У. Д. Спасовіча[d]
	Таісія Доўнар у Вікісховішчы

Таісія Іванаўна Доўнар (нар. 15 кастрычніка 1944, вёска Шацак Пухавіцкага раёну) — беларуская праўніца. Доктарка юрыдычных навук (1997 год), прафэсарка (1998 год).

Біяграфія

У 1964 годзе скончыла Менскую мэдычную вучэльню, у 1973 годзе — юрыдычны факультэт БДУ. З 1977 году выкладае ў БДУ. У 1997 годзе абараніла доктарскую дысэртацыю на тэму «Разьвіцьцё агульназемскага права Беларусі ў XV—XVI стагодзьдзях». З 1998 году прафэсарка катэдры тэорыі і гісторыі дзяржавы і права юрыдычнага факультэту БДУ.

Навуковая дзейнасьць

Дасьледуе характэрныя рысы і асаблівасьці разьвіцьця дзяржаўнасьці Беларусі і нацыянальнага права на найважнейшых гістарычных этапах; гісторыю канстытуцыйнага, крымінальнага і грамадзянскага права; гісторыю палітычна-праўнай думкі Беларусі^[1].

Зьвяртае ўвагу на тое, што «менавіта ў зьвязку з гістарычнымі зьменамі назвы беларускага народа і цяпер часам узьнікае блытаніна датычна айчыннай гісторыі… магчыма, мелі рацыю навукоўцы, якія ў пачатку 90-х гадоў прапаноўвалі назваць нашу дзяржаву Вяліка-Літоўская Беларусь»^[2].

Асноўныя працы

Брала ўдзел у падрыхтоўцы энцыкляпэдычных выданьняў: «Юрыдычны энцыклапедычны слоўнік» (Менск, 1992), «Мысліцелі і асветнікі Беларусі» (Менск, 1995), «Статут Вялікага княства Літоўскага 1588» (Менск, 1989), «Энцыклапедыя гісторыі Беларусі». Т. 1—6 (Менск, 1993—2003)^[3].

Крыніцы

^ Сучасныя беларускія даследчыкі гісторыі Вялікага Княства Літоўскага: біябібліяграфічны даведнік / С. Марозаў. — Горадня — Каўнас, 2022. С. 95.
^ Доўнар Т. Асаблівасці і праблемы гісторыі дзяржавы і права Беларусі // Веснік Гродзенскага дзяржаўнага ўніверсітэта імя Янкі Купалы. Серыя 4. Правазнаўства. № 2 (128), 2012. С. 33—38.
^ Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2004. — Т. 18. Кн. 1: Дадатак: Шчытнікі — Яя. — 472 с. — ISBN 985-11-0295-4 С. 381.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2004. — Т. 18. Кн. 1: Дадатак: Шчытнікі — Яя. — 472 с. — ISBN 985-11-0295-4

[1] Сучасныя беларускія даследчыкі гісторыі Вялікага Княства Літоўскага: біябібліяграфічны даведнік / С. Марозаў. — Горадня — Каўнас, 2022. С. 95.

[2] Доўнар Т. Асаблівасці і праблемы гісторыі дзяржавы і права Беларусі // Веснік Гродзенскага дзяржаўнага ўніверсітэта імя Янкі Купалы. Серыя 4. Правазнаўства. № 2 (128), 2012. С. 33—38.

[3] Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2004. — Т. 18. Кн. 1: Дадатак: Шчытнікі — Яя. — 472 с. — ISBN 985-11-0295-4 С. 381.

[1]

[2]

[3]