Барбара Прамер

Барбара Прамер
Barbara Prammer
11-ы Старшыня Нацыянальнага савета Аўстрыі 30 кастрычніка 2006 — 2 жніўня 2014
Папярэднік	Андрэас Коль
Пераемнік	Карлгайнц Копф (в. а.) Дорыс Бурэс
Нараджэнне	11 студзеня 1954(1954-01-11) Ottnang am Hausruck[d], Фёклабрук[d], Верхняя Аўстрыя, Аўстрыя
Смерць	2 жніўня 2014(2014-08-02) (60 гадоў) Вена, Аўстрыя
Месца пахавання	Цэнтральныя могілкі ў Вене[d]
Імя пры нараджэнні	ням.: Barbara Thaller
Дзеці	Julia Fellner[d]
Партыя	Сацыял-дэмакратычная партыя Аўстрыі
Адукацыя	Лінцкі ўніверсітэт Іагана Кеплера
Месца працы	Федэральны Урад Аўстрыі
Узнагароды	Вялікі Крыж I ступені ордэна Пашаны за Заслугі перад Аўстрыйскай Рэспублікай Вялікі крыж ордэна За заслугі перад Італьянскай Рэспублікай Камандор ордэна Ганаровага легіёна
Сайт	barbara-prammer.at
Медыяфайлы на Вікісховішчы

Ба́рбара Пра́мер (ням.: Barbara Prammer, 11 студзеня 1954, Отнанг-на-Гаўсруку, Аўстрыя — 2 жніўня 2014, Вена, Аўстрыя) — аўстрыйскі дзяржаўны дзеяч, старшыня Нацыянальнага савета Аўстрыі (2006—2014).

Біяграфія

У 1973 г. скончыла камерцыйны каледж у Фёклабруку (Верхняя Аўстрыя). Затым працавала ў муніцыпальным офісе Отнанг. У 1986 г. скончыла факультэт сацыялогіі Лінцскага ўніверсітэта імя Ёгана Кеплера, атрымаўшы ступень магістра сацыяльных і эканамічных навук. Да 1989 г. з'яўлялася сацыяльным педагогам у Цэнтры рэабілітацыі Лінца і рэферэнтам дзяржаўнай службай занятасці федэральнай зямлі Верхняя Аўстрыя.

У 1990 г. яна была абрана старшынёй жаночага савета Сацыял-дэмакратычнай партыі федэральнай зямлі Верхняя Аўстрыя, гэту пасаду палітык займала да 2005 г. У 1991—1995 гг. дэпутат і віцэ-прэзідэнт зямельнага парламента Верхняй Аўстрыі. У 1995 годзе абрана членам федэральнага савета Сацыял-дэмакратычнай партыі Аўстрыі (СПА) і намеснікам старшыні партыі. У 1995—1997 гг. міністр жыллёвага будаўніцтва і аховы прыроды Верхняй Аўстрыі. У 1997—2000 гг. міністр па справах жанчын і абароне правоў спажыўцоў Аўстрыі. На гэтай пасадзе дамагалася заканадаўчага замацавання палажэнняў пра поўнае гендарнае раўнапраўе. У перыяд яе знаходжання на пасадзе міністра аўстрыйскія жанчыны атрымалі права на ваенную службу, а таксама на працу ў начныя гадзіны. У 1999 г. была абрана ў Нацыянальны савет, у 2000 г. стала намеснікам старшыні фракцыі СПА. У 2004—2006 гг. — віцэ-прэзідэнт Нацыянальнага савета Аўстрыі. (Была членам прэзідэнцкага трыўмвірату ў ліпені 2004 года)

З 2006 г. прэзідэнт Нацыянальнага савета Аўстрыі.

Пасля таго як яна пераехала ў Вену яе муж, Вольфганг Прамер, які працаваў у Лінцы ў зямельным аддзяленні федэральнай палаты рабочых і служачых, быў абвінавачаны жанчынай-сакратаром гэтай установы ў сексуальных дамаганнях. Прамер заняла тады бок сакратаркі. У 2001 годзе яна развялася.

Узнагароды

• Вялікі крыж Ганаровага знака «За заслугі перад Аўстрыйскай Рэспублікай» (2000)
• Вялікі крыж Ордэны «За заслугі перад Італьянскай Рэспублікай» (2007)
• Камандор Ордэны Ганаровага легіёна (2014)
• Вялікі Ганаровы залаты знак Правінцыі Верхняя Аўстрыя
• Медаль Аўстрыйскага Таварыства Альберта Швайцэра

Спасылкі

• https://e-gov.ooe.gv.at/biografien/Start.jsp?param=ooe&personId=448
• http://kurier.at/politik/inland/trauer-um-barbara-prammer-grosse-demokratin-und-vorbild/78.183.093