Горн

Горн
	ісп. Isla Hornos
	; Мыс Горн летам (студзень 2003)
Характарыстыкі
Плошча	28,29 км²;
Насельніцтва	5 чал. (2019);
Размяшчэнне
	55°56′41″ пд. ш. 67°16′51″ з. д.HGЯO
Акваторыя	Ціхі акіян
Краіна	Чылі;
	Горн
Медыяфайлы на Вікісховішчы

Горн (ісп.: Isla Hornos) — востраў у паўднёвай частцы архіпелага Вогненная Зямля, належыць Чылі і ўваходзіць у склад правінцыі чылійская Антарктыка. На востраве знаходзіцца знакаміты мыс Горн. Востраў вядомы як самая паўднёвая частка Паўднёвай Амерыкі, аднак на самой справе такімі з’яўляюцца астравы Дыега-Рамірэс, якія ляжаць за 200 км паўднёвей. Востраў Горн належыць да групы астравоў Эрмітэ (ісп.: Islas Hermite), якія адносяцца да архіпелага Вогненная Зямля. Востраў мае шырыню 2 км і даўжыню каля 6 км. Максімальная вышыня вострава — 425 м.

На востраве ёсць маяк, невялікая капліца, жылыя і дапаможныя памяшканні, метэастанцыя, а таксама помнік — скульптура ў выглядзе абрысу альбатроса, прысвечаная маракам, якія загінулі пры спробах абагнуць мыс Горн^[1]. Востраў уваходзіць у склад нацыянальнага парку Каба-дэ-Орнас (ісп.: Parque nacional Cabo de Hornos).

Востраў складзены ў асноўным гранітамі мелавога ўзросту, на паўночным захадзе знаходзяцца вулканічныя скалы юрскага ўзросту. У нізінах расце тарфяны мох.

Галерэя

Метэастанцыя
Маяк
Востраў Горн
Манумент Каба-дэ-Орнас

Зноскі

↑ Манумент Каба-дэ-Орнас (нявызн.)(недаступная спасылка). Архівавана з першакрыніцы 26 верасня 2005. Праверана 19 ліпеня 2014.

Спасылкі

[1] Манумент Каба-дэ-Орнас (нявызн.)(недаступная спасылка). Архівавана з першакрыніцы 26 верасня 2005. Праверана 19 ліпеня 2014.

[1]