Жаўтавухі жалобны какаду, таксама жаўтахвосты (Calyptorhynchus (Zanda) funereus) — птушка сямейства какаду. Жыве ў Паўднёва-Усходняй і Усходняй Аўстраліі. Сілкуюцца, пераважна, насеннем розных дрэў, лічынкамі насякомых.
Даўжыня цела 56-66 см; вага да 900 г. Асноўная афарбоўка апярэння цёмна-карычневая, кончыкі пёраў белыя. Каля вуха прысутнічае белая ці жоўтая пляма. Па хвасце і падхвасцю праходзіць падоўжаная паласа жоўтага колеру. Голыя ўчасткі вакол вачэй ружовыя. Радужка цёмна-карычневая. Лапы шэра-карычневыя. Дзюба цёмна-шэрая. Чубок маленькі. У самкі вушная пляма ярчэйшая, дзюба светлая, участкі вакол вачэй цёмна-шэрыя.
