Ранонг (тайск. ระนอง) — правінцыя на поўдні Тайланда, размешчана на ўзбярэжжы Андаманскага мора. Цэнтр — горад Ранонг. Мяжуе з правінцыямі: Чумпхон, Суратхані і Пхангнга, а таксама з М’янмай. Правінцыя размешчана на перашыйку Кра, які злучае паўвостраў Малака з азіяцкім кантынентам, на заходніх схілах хрыбта Пхукет. Ранонг — найменш населеная правінцыя Тайланда, 80 % тэрыторыі пакрыта лясамі, 67 % — горныя тэрыторыі. Традыцыйна галоўнай прамысловасцю была здабыча волава, але цяпер большасць шахт вычарпаныя. Сёння аснову прамысловасці складаюць: здабыча белай гліны, вытворчасць фарфору і рыбная лоўля, таксама тут вырошчваюць каўчуканосы і арэхі.
Медыяфайлы на Вікісховішчы
