Рэнтген (адзінка вымярэння)

Рэнтген (сімвал P) — пазасістэмная адзінка экспазіцыйнай дозы радыеактыўнага выпраменьвання. Паказвае здольнасць рэнтгенаўскага альбо гама-выпраменьвання іанізаваць паветра. 1 P — колькасць радыяцыі, неабходная для вызвалення дадатных і адмоўных зарадаў адной электрастатычнай адзінкі зарада (ESU) у 1 см³ сухога паветра пры нармальных умовах (стандартнай тэмпературы і ціску). Гэта адпавядае генерацыі прыкладна 2,083×10⁹ пар іонаў^[1].

Пераказ у іншыя адзінкі

У Міжнароднай сістэме адзінак, 1 Р = 2,57978 · 10⁻⁴ Кл/кг (з 1 электрастатычная адзінка ≈ 3.33564×10⁻¹⁰ Кл і стандартнай шчыльнасці атмасфернага паветру ~1.293 кг/м³). Да 2006 года, рэнтген быў прыняты да ўжывання з сістэмай СІ, але яго велічыня выражалася ў адзінках СІ, як зарад падзелены на адзінку масы (Кл/кг).

Назва рэнтген паходзіць ад прозвішча нямецкага фізіка Вільгельма Рэнтгена.

Гл. таксама

Прыстаўкі для ўтварэння кратных і дробавых адзінак

Зноскі

↑ Рэнтген // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. С. 13

Спасылкі

Other Non-SI units accepted for use with the SI (англ.)

[1] Рэнтген // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. С. 13

[1]

Слоўнікі і энцыклапедыі	Вялікая кітайская · Вялікая кітайская · Вялікая нарвежская · Britannica (онлайн)
Нарматыўны кантроль	Microsoft: 193544012