লোকসাহিত্য
লোকসাহিত্য সমাজআহার মেংসেলহান পারা। সমাজআহার মানুর ইতিহাস, জিনার য়ারি, চিন্তা, চেতনা, বুদ্ধিলৌশিং বারো আচারববারর পরিচয় জাত আহার লোকসাহিত্যরমা পেয়ার। মানু কুরাঙতো কিসাদে আহেসি, কিদিয়া আহেসি, কুরাঙ যানাহান ইত্যাদি প্রশ্নর উত্তর নিকালতে নিকালাসি পুরাকাহিনী বা মিথলজি।
যুগে যুগে মানুর চিরন্তন আঙকরানির উত্তর দিয়া গিয়াসিগা য়ারি অতা জরম জরম চলিয়া আহের অহার নাঙহান মিথলজি। মিথলজি মানুরে দিয়াসে জীবন জরম সম্বন্ধে আঙকরানির দর্শন। মানু মিথলজির দার্শনিক চিন্তাত্ত হঙকরিসিতা জীবনঘনিষ্ট সাহিত্য বা লোকসাহিত্য।
মিথলজির খুটাগ দিয়া যুগে যুগে হঙকরে গিয়াসিগা ধর্মপুরাণ। ধর্মপুরাণ হঙকরিসে লোকপুরাণ। লোকপুরাণ জরম দিয়াসে লোকগাথা, ধাধা, প্রবাদ প্রবচন, পৌরেই ইত্যাদি লোকসাহিত্যর নানান দিক।
লোকসাহিত্যরমা হমিয়া থার ঠার আহার আধুনিক সাহিত্যর বীজগ।
