کوێستان جەمال

کوێستان جەمال
لەدایکبوون	١٩٦٥ سلێمانی
وێبگە	وێبگەی فەرمی

کوێستان جەمال (لەدایکبووی ١٩٦٥ لە سلێمانی، عێراق). یەکێکە لە شێوەکارە چاڵاکەکانی ساڵانی ھەشتاکان و نەوەتەکان، جگە لە بەشداری کردنی لە دەیان پێشانگای ھاوبەش لە ناوەوە و دەرەوەی کوردستان، خاوەن شەش پێشانگەی تایبەتە لە کوردستان.

ژیاننامە

خوێندن

لە ساڵی ١٩٦٥ لە شاری سلێمانی لە دایک بووە، لە ساڵی ١٩٨٥‏ پەیمانگای ھونەرە جوانەکانی سلێمانی تەواو کردووە. لە ساڵی ١٩٩٨وە لە ولاتی نەرویج دەژی، ھەر دوای دوو ساڵ دەچێتە ئەکادیمیای ھونەریی و چوار ساڵ دەخوێنێت، پاشان خوێندنی ماستەر بە دوو ساڵ تەواو دەکات. لە ساڵی ٢٠٠٦ ئەکادیمیای‏ ھونەری (بۆ خوێندنی ھونەری سەردەم) لە وڵاتی نەرویج تەواو کردووە. بە گشتیی سەرجەم خوێندنی کوێستان لە ھونەردا دەکاتە ١١ ساڵ.

چاڵاکییەکان

• لە (١٩٨٢): یەکەمین پێشانگای تایبەتی لە ھۆڵی پەیمانگای ھونەرەجوانەکان.
• لە (١٩٩٣):‏ دووەمین پێشانگای تایبەت لە ھەولێر، دھۆک، زاخۆ.
• لە (١٩٩٦):‏ سێیەمین پێشانگای تایبەتی لە ھۆلی مۆزەخانەی سلێمانی.
• لە (١٩٩٨): چوارەمین پێشانگای تایبەتی لە ھاردینگ بۆلس گەلەری لە نۆرھایمسون.
• لە (٢٠٠٣): پێنجەمین پێشانگای تایبەتی لە ژووری ھونەر بۆ نیشاندانی ھونەری سەردەم لەشاری بێرگن.
• لە (٢٠٠٣): شەشەمین پێشانگای تایبەتی رەڤتۆ ھۆسێت، شاری بێرگن.
• لە (٢٠٠٤‏): حەوتەمین پێشانگای تایبەتی لەمۆزەخانەو سەنتەری ناشیونالی جیھانی لەئۆسلۆ.
• لە (٢٠٠٥): ھەشتەمین پێشانگەی تایبەتی لە شاری بێرگن.
• لە (١٩٨٢-٢٠٠٥):‏ بەشداری لە (٢٤)‏ پێشانگەی ھاوبەشدا کردووە، لە (سلێمانی، ھەولێر، دھۆک، ئەلمانیا، کەنەدا، نەرویج، تۆکیۆ، ئەمریکا، ھۆلەندا).
• لە ساڵانی (١٩٩٣-١٩٩٥-١٩٩٦-١٩٩٧): بەشداری‏ پێشانگەی خانمانی کردووە.

کارکردن

کوێستان ئەندامە لە رێکخراوەکانی (سەنتەری ھونەرمەندانی ھۆردەڵاند، رێکخراوی ھونەرمەندانی شێوەکار نەرویج). ھەر لەو وڵاتە خاوەنی چەندین پیشانگەی تایبەت و ھاوبەشە، و ئێستاش مامۆستای ھونەرە و دەستەی بەڕێوەبەری گەلەرییەکە.

خەڵاتەکان

• لە ساڵی (١٩٩٧): لە پێشانگەی گروپێک لە خانمان لە ڕۆژی جیھانی ژناندا خەڵاتی باشترین بەرھەمی پێ بەخشراوە.

سەرچاوەکان

• ژنانی شێوەکار لە باشووری کوردستان، بەختیار سەعید، لە بڵاوکراوەکانی یەکێتیی ژنانی کوردستان، چاپخانەی تەوار، چاپی یەکەم: ٢٠١١.