Uruk-hai

Uruk-hai şaro vıraşteo ke Cihanê Miyani de terefê Sarumani ra vıraziyao. Uruk-hai arêbiyayışê ırqanê ork u goblini ra aferiyao. Be waştışê Morgothi ra Sauron ork u merdumi arê kerdê, meleznê u ırqê Uruk-haiê verêni vıraştê. Dıma Sauron, Cengê İştaney de Saruman zi be ena raye ırq vıraşto, na ri ra Saruman ırqê xoyê melezi vıraşto. Hama ırqê Saruman, gorey ırqo ke Sauron zemanê verêni de vıraşto ra merdum ra deha nezdi, nezdiyêr biyo.

Nuştekarê romani J. R. R. Tolkien no mewzu sero wına vato: "Hena aseno ki Çağê Hirêyıne de Saruman ırqvıraştış newe ra diyo, ya zi kıtab ra musao u waştışê efendibiyayışê xo, ey berdo karê xırabıni kerdene rê: Ork u merduman meleznayış, arêkerdış. Peyniye de, orkmerdumo gırd vıraziyao ke şeytani, bêitımad u cêri veciyo"

Irqê Uruk-Haii merdum ra deha dergo hama gıcıkê xo zey gıcıkê merdumano. Gorey orkan ra quweta inan zafêra, zırx u çekê inan deha zêdeyê u kabiliyetê inan zi deha berzo. Co ra ke ırqê Uruk-Hai, inan Cihanê Miyani de ırqı en gırd u xofın kerdê. Key ke Saruman kışiyao u merdo, şarê Uruk-Hai zi peyniye diyê, qediyê. Çunkı şarê Uruk-Hai nêşeno xo zêde kero, tenya terefê vıraştoğan ra aferiyeno.