Cube - Il cubo
|
C'l artìcul chè 'l è scrit in
Miranduléś |
 Cube
| ||
| Cube - Il cubo | ||
 David Hewlett e la de Boer in na figùra dal film | ||
| Cube - Al cûb 1997 | ||
|---|---|---|
| Regìa: Vincenzo Natali | ||
| Scritōr: Vincenzo Natali André Bijelic • Graeme Manson | ||
| Atōr: Nicky Guadagni • Nicole de Boer Wayne Robson • David Hewlett • Andrew Miller Julian Richings • Maurice Dean Wint | ||
| Müsica: Mark Korven | ||
| Léngua: Ingléś • Tedésc | ||
| Dürä dal film: 90 minüt | ||
| Nasiōṅ: Cànada | ||
Cube - Il cubo (Cube - Al cûb) 'l è 'n film fantasientìfic canadéś dal 1997 ad Vincenzo Natali ch'al 'l à anc scrit insém a André Bijelic e a Graeme Manson.
Custâ tarśènt-sinquantamìla dòlar, al 'n à pò purtâ a cà sincsènt-a-ssantasincmìla. Al gh'à abû 'n séguit, Il cubo 2 - Hypercube dal 2002, e 'n prequel, Cube Zero dal 2004.
Sunt
Sinc persunàǵ ch'i n s cgnósan briśa, al pulisiòt Quentin (Maurice Dean Wint), al làdar Rennes dit „Furaciòśa“ (Wayne Robson), la mèdaga Helen Holloway (Nicky Guadagni), 'l architét David Worth (David Hewlett) e la studènta 'd matemàtica Joan Leaven (Nicole de Boer), i s càt'n insaplâ e parśunēr in un cûb, séns' arcurdàr-as cum i aṅ fat a finìr lè dèntar. 'N àt'r óm ch'a gh'éra là, Alderson (Julian Richings), 'l è mòrt tintànd ad scapàr via.
Al cûb al s cata a 'l intéran ad dimóndi àtar sèmp'r in muimènt tgnénd adrē a dal permutasiòṅ. Tut i gh'aṅ al sò nùmar e i faṅ riferimènt a di setōr dla strutùra. Soquànt i èṅ sicûr, di àtar i èṅ dal trapli murtàli. Par savēr qvéi ch'i làs'n in vita a gh'è da divìd'r i nùmar in fatōr prim, difàti i setōr batśâ cun di nùmar prim i cópan. A 'n sèrt punt in na cambra a casca śò da l'élta 'n ragàs autìstig, Kazan (Andrew Miller).
Culegamènt estéran
