Down in the Valley
|
C'l artìcul chè 'l è scrit in
Miranduléś |
 Down in the Valley
| ||
 Rory Culkin e Edward Norton in na figùra dal film | ||
| Śò in dla val 2005 | ||
|---|---|---|
| Regìa: David Jacobson | ||
| Scritōr: David Jacobson | ||
| Atōr: Edward Norton • Evan Rachel Wood David Morse • Rory Culkin • Geoffrey Lewis Bruce Dern • John Diehl • Elizabeth Peña | ||
| Müsica: Peter Salett | ||
| Léngua: Ingléś | ||
| Dürä dal film: 108 minüt | ||
| Nasiōṅ: Stat Unî | ||
Down in the Valley (Śò in dla val) 'l è 'n film dramàtic americàṅ dal 2005 ad David Jacobson ch'al 'l à anc scrit.
La pelìcula, ch'la n à fat sù gnanc siesènt-mila dòlar, l'è stada preśentàda a 'l 58śum Festival di Cannes in dla sesiòṅ „Un Certain Regard“.
Sunt
La October dita "Tobe" (Evan Rachel Wood) l'è na śuvnòta piutòst arvèrsa ch'la viṿ insém a sò pàdar pulisiòt Wade (David Morse) e a sò fradèl più pìcul Lonnie (Rory Culkin), ch'al gh'à paùra 'd durmìr da par lò e ch'al tîṅ sèmpar la luś impìsa 'd nòt, in dla val ad San Fernànd in Califòrgna.
In un dòpmeśdè 'd Istâ la ragàsa, ch'l'iva decìś 'd andàr a 'l mâr insém a di sò amìg, la cgnós un ragàs benśinàr uriginàri dal Dakòta dal Sud ch'al pâr pròpria 'n cowboy, Harlan (Edward Norton), e la decìd prima 'd invidàr-al p'r andàr insém a ciapàr al Sōl e pò 'd gusàr-'s-al. A Wade chi lò al n gh piàś pròpria par gnint ma cla brica 'd sò fiōla la n al scólta briśa e la cuntìnua a 'ndàr fóra sèg.
Culegamènt estéran
