Piràmid di biśògn ed Maslow
|
C'l artìcol chè 'l è scrit in
Carpśàn |
La Piràmid di biśògn ed Maslow l'è na figurasiòun schemàtica di biśògn edl òm, da quī più śèimpi a quī più sofistichê, che 'l psicòlog Maslow 'l ìva scrìt in dal 1943 in dla só tratasiòun "A Theory of Human Motivation"[1] publichèda in dla Psychological Review. Più têrd el stèsi spiegasiòun, ampièdi, al Maslow al li publichèva in dal só lìber dal 1954 Motivation and Personality.
A partìr da 'l bâs edla piràmid, 'l òm al gh'avrèv di biśògn "fiśiològic" indispensàbil da giustèr, cma quī dal respirèr, dal magnèr, dal bèver, dal descarghèr, dal durmìr, dal sès e via descurènd.
Un pò più secondàri i srèven i biśògn ed "sicurèsa", a 'l riguêrd dal só fìśic, del só proprietê, dal só lavōr, dla só famìja e vìa acsè.
Incòr più rafinê da sodisfèr i srèven i biśògn 'd "apartenèinsa", c'ma quī dl'amicìsia, di afêt famiglièr e dl'intimitê sesuèla.
Di biśògn incòr più fîn da mèt'r a post i srèven quī dla "stìma", a dìr dla realiśasiòun, dal rispêt cun chi èter, dla padronànsa, e acsè vìa.
In sìma, in dla piràmid, a gh'starèv l'"avtorealiśasiòun", c'ma quand ùn, send pròpia na brèva persòuna, al n'gh'avrèv più di pregiudìsi mo invéci edl'acetasiòun, dla creativitê, la capacitê 'd catèr dal solusiòun ai probléma, dla spontanitê e dla moralitê.
Vōś lighèdi
Noti e referèinsi
Èter progêt
Wikimedia Commons contiene file multimediali su Piràmid di biśògn ed Maslow
Colegamèint estèren
- (EN) Al comèint "A cognitive-systemic reconstruction of Maslow's theory of self-actualization" in sìm'ala teorìa ed Maslow, in dla réda.
- (EN) Na tratasiòun ed comèint in sìm'a la teorìa dal Maslow in sìm'a academia.edu
