Trujàṅ
|
C'l artìcul chè 'l è scrit in
Miranduléś |
In astrunumìa un Trujàṅ 'l è 'n 'n asteròid o 'n satèlit ch'al spartìs la stésa òrbita 'd un pianēd o 'd un satèlit ma ch'al n gh và mai adòs parchè al s cata puśisiunâ a òṅ di dū punt ad Lagrange 'd equilìbri L4 o L5, a 60° davànti o dadrē da 'l còrp celèst più grand.
A 'l inìsi gl'asteròid trujàṅ 'd precìś i éran qvéi 'd Giôv ch'al gh 'n à 'n squantèran, praticamènt in nùmar cumpàgn ad qvéi dla fasa prinsipàla. Anc di àtar pianēd i gh'aṅ però di trujàṅ ch'i gh tîṅ adrē cuma Netûn, Mart e Vènar. Anc la Tèra la gh 'n à òṅ a 'l sò punt L4, un còrp maśagnóś ad tarśènt mét'r ad diamétar a 'l incìrca ciamâ 2010 TK7[1].
Nòti
- ↑ Anc la Tèra la gh'à 'l sò asteròid “trujàṅ” Focus, 28 ad Luj dal 2011
