Muminvalo

Ne konfuzu ĉi tiun artikolon kun Muminvalo (libro).

Muminvalo (svede Mumindalen, finne Muumilaakso) estas fikcia loko, kie loĝas Mumintroloj kaj plejo de aliaj figuroj en muminlibroj de svedlingva finnlanda porinfana verkisto Tove Jansson, en muminbildliteraturoj de Tove kaj ŝia frato Lars Jansson kaj en televidoserioj pri Mumintroloj. La valo estas sur bordo de maro apud montaro De ensliga bergen (finne Yksinäiset vuoret). Plejparto de loĝantoj de Muminvalo dormas vintran dormon.

Loĝantoj de Muminvalo

Jen (nekompleta) listo de roluloj en la verkoj pri Muminvalo^[1]:

La Mumin-familio:

Mumin (ankaŭ nomata la Mumintrolo)
Muminpatrino
Muminpatro

Amikoj de Mumin:

Snufmumriko
Snif
Eta Mim
Snorkfraŭlino

Aliaj:

Tu-tiki
Filifjonkino
Gafsino
Morho
Hemulo
Mymlan
policisto
Stinky
Hatifnatoj
kaj pluraj aliaj

Policisto de Muminvalo

Policisto de Muminvalo estas figuro en bildliteraturoj kaj televidaj serioj pri mumin-oj. En porinfanaj romanoj pri mumin-oj la policisto ne aperas. Li estas escepta figuro en muminrakontoj do, ke li havas oficialan profesion. Tamen li havas nur malmultajn labortaskojn, ĉar en la valo estas vivata do trankvila vivo; Stinky estas nura ordinara krimulo kaj eĉ Stinky ne faras vere grandajn krimojn. Sen Stinky la policisto estus senlabora. Pri sia speco, li estas hemulo, tial li havas longetan muzelon. Favora hobio de policisto estas flegado de rozoj.

En Esperanto

En Esperanto aperis:

Muminvalo, esperantigita de Eckhard Bick, traduko de la novelaro Det osynliga barnet och andra berättelser, 1984
Kometo en Muminvalo (2022, ISBN 978-0-902756-56-4), esperantigita de Sten Johansson, traduko de Kometen kommer

Referencoj

↑ La esperantaj nomoj Mumintrolo, Muminpatrino, Muminpatro, Eta Mim, Filifjonkino, Gafsino, Hemuloj, Morho, Snif, Snorkfraŭlino, Snufmumriko, Tu-tiki, estas cititaj laŭ Sezonoj, alirita 2021-09-20