Olivdorsa eŭfonjo
 | ||||||||||||||
|---|---|---|---|---|---|---|---|---|---|---|---|---|---|---|
_male.jpg) Olivdorsa eŭfonjo, masklo
.jpg) Olivdorsa eŭfonjo, ino
| ||||||||||||||
| Biologia klasado | ||||||||||||||
| ||||||||||||||
| Euphonia gouldi (Sclater, 1857) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Olivdorsa eŭfonjo, Euphonia gouldi, estas specio de birdo de la genro de Eŭfonjoj, kiuj nun estas konsiderata membro de la familio de Fringedoj, sed antaŭe de la Traŭpedoj. Tiu genro enhavas birdojn kiuj estas tipe metalece malhelbluaj supre kaj brilflavaj sube. Kelkaj havas helbluajn makulojn kape aŭ oranĝecajn subajn partojn.
Disvastiĝo
[redakti | redakti fonton]Tiu ĉi estas specio de loĝantaj birdoj en malaltaj teroj kaj montetoj de Karibio el Meksiko sude de la Golfo de Meksikio kaj orienta Jukatano al nordokcidenta Panamo.
La Olivdorsa eŭfonjo troviĝas en humidaj arbaroj, altaj duarangaj arbaroj kaj apudaj arbustecaj klarejoj, tipe el marnivelo al 750 m altitude, foje ĝis 1000 m. La sfereca tasforma nesto, kun flanka enirejo, estas kaŝita inter epifitoj aŭ musko 2–11 m alte en arbo. La tipa ovaro estas de 3 brunmarkataj blankaj ovoj.
Aspekto
[redakti | redakti fonton]
Plenkreskulo de Olivdorsa eŭfonjo estas 9.5 cm longa kaj pezas 12 g. Maskla plenkreskulo havas tre brilajn olivecajn suprajn partojn, flavan frunton kaj ruĝecan ventron ĉirkaŭata de verdecflavo. Ina plenkreskulo havas malpli brilajn suprajn partojn ol la masklo, brunan frunton, flavajn subajn partojn kaj malgrandan ruĝecan ventromakulon. Nematuruloj estas pli malhelaj, senkoloraj kaj havas olivecajn subajn partojn. Kvankam ekzistas seksa dimorfismo, ĝi ne estas tiom evidenta kiom ĉe aliaj specioj de eŭfonjoj. Ĉiukaze la masklo distingiĝas pro la brilflava fruntomakulo kaj ruĝeca ventro. La beko kaj kruroj estas malhelaj ĉe ambaŭ seksoj.
Ekologio
[redakti | redakti fonton]La Olivdorsa eŭfonjo vivas sola, pare aŭ en malgrandaj grupoj, aŭ kiel parto de miksitaj kunmanĝantaroj. Tiu specio manĝas ĉefe malgrandajn molajn fruktojn.
La alvoko de la Olivdorsa eŭfonjo estas metaleca ĉrrr-ĉrrr, kaj la kanto estas miksaĵo de alvoko kun klaraj aŭ nazecaj fajfoj.
La latina scienca nomo rememoras la gravecon de John Gould, angla ornitologo.
Referencoj
[redakti | redakti fonton]- BirdLife International (2004). Euphonia gouldi. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Malplej Zorgiga
- Stiles kaj Skutch, A guide to the birds of Costa Rica ISBN 0-8014-9600-4
- Peterson, Roger Tory, kaj Edward L. Chalif. 2008. Aves de México. Guía de campo. Editorial Diana, México.
| ||||||||||||||||||
