Platfrunta lagenorinĥo
 | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 Formo kaj grando kompare al averaĝa homo
| ||||||||||||||||||||
| Biologia klasado | ||||||||||||||||||||
| ||||||||||||||||||||
 | ||||||||||||||||||||
Aliaj Vikimediaj projektoj
| ||||||||||||||||||||
La Platfrunta lagenorinĥo (Lagenorhynchus obliquidens) estas tre aktiva delfeno kiu troviĝas en malvarmaj al moderaj akvoj de la Norda Pacifika Oceano.
Taksonomio
[redakti | redakti fonton]La Platfrunta lagenorinĥo estis nomita fare de la mamulogiisto de la Smithsonian Institution nome Theodore Nicholas Gill en 1865. Ĝi estas morfologie simila al la obskura delfeno, kiu troviĝas en la Suda Pacifiko. Genetika analizo fare de Frank Cipriano sugestis, ke ambaŭ specioj diverĝis antaŭ ĉirkaŭ du milionoj da jaroj.
Kvankam ambaŭ specioj estas tradicie metitaj en la genro Lagenorhynchus, molekulaj analizoj indikis, ke ili estas pli proksimaj al la delfenoj de la genro Cephalorhynchus. La nova genro Sagmatias estis proponitaj por tiuj specioj.[1]
Priskribo
[redakti | redakti fonton]_NOAA.jpg)
La Platfrunta lagenorinĥo havas tri kolorojn. La mentono, gorĝo kaj ventro estas kremoblankaj. La beko, naĝiloj, dorso, kaj dorsa naĝilo estas malhelgrizaj. Estas helgrizaj makuloj en la flankoj kaj helgriza strio el sub la okulo al sub la dorsa naĝilo, kie ĝi dikiĝas laŭlonge de la vosto. Malhelgriza ringo ĉirkaŭas la okulojn.
La specio estas de averaĝ-grandaj oceanaj delfenoj. Inoj pezas ĝis 150 kg kaj maskloj ĝis 200 kg kaj maskloj atingas 2.5 m dum inoj ĝis 2.3 m de longo. La Platfruntaj lagenorinĥoj tendencas esti pli grandaj ol la obskuraj delfenoj. La inoj atingas maturecon je aĝo de sep jaroj. El 1990 al 1991, studo kondukita de Richard C. Ferrero kaj William A. Walker pruvis, ke la plej vasta majoritato de la Platfruntaj lagenorinĥoj kiuj iĝas viktimoj de la drivaj retoj estis inter la aĝoj de 8.3 al 11 jam sekse maturaj.[2] La graveda periodo kutime daŭras unu jaron. Oni supozas, ke individuoj vivas ĝis 40 jarojn aŭ plie.
Notoj
[redakti | redakti fonton]- ↑ Shirihai, H. & Jarrett, B. (2006). Whales, Dolphins and Other Marine Mammals of the World. Princeton Field Guides. pp. 202–205. ISBN 9780691127569.
- ↑ Ferrero, R.C.; Walker, W.A. (1996). "Age, growth, and reproductive patterns of the Pacific white-sided dolphin (Lagenorhynchus obliquidens) taken in high seas drift nets in the central North Pacific Ocean". Canadian Journal of Zoology. 74 (9): 1673–1687. doi:10.1139/z96-185.
Bibliografio
[redakti | redakti fonton]- National Audubon Society: Guide to Marine Mammals of the World ISBN 0-375-41141-0
- Encyclopedia of Marine Mammals ISBN 0-12-551340-2
- Whales, Dolphins and Porpoises, Mark Carwardine 1995 ISBN 0-7513-2781-6
