Belvedere jauregia

Belvedere jauregia
Irudi gehiago
Kokapena
Estatu burujabe	Austria
Federal capital	Viena
District of Vienna	Landstraße
Koordenatuak	48°11′36″N 16°22′50″E
Historia eta erabilera
Irekiera	1714
Jabea	Eugenio Savoiakoa
Erabilera	Arte galeria
Erabiltzailea	Belvedere Galeria
Arkitektura
Arkitektoa	Johann Lukas von Hildebrandt (en)
Estiloa	arkitektura barrokoa
Ondarea
Kontaktua
Helbidea	Prinz-Eugen-Straße 27
Webgune ofiziala

Belvedere jauregia (alemanez: Schloss Belvedere) Vienako (Austria) Prinz-Eugen-Strasse kaleko 27. Zenbakian kokaturiko jauregi multzo barroko bat da. Multzoa, hiriburuko jauregi barrokorik handienetarikoa, bi Belvedere jauregiek osatzen dute (Goikoak eta Behekoak), gaur egun museoak bilakaturik. Hirugarren jauregi bat ere badu, Schwarzenberg jauregia, gaur egun hotel bilakatua. Bi jauregi nagusiak alegoria ezberdinak irudikatzen dituzten hiru mailatan antolaturiko lorategi baten bidez daude lotuak

Belvedere jauregiek dituzten Museoak ondorengoak dira:

• Arte Barrokoaren museo austriarra
• Erdi Aroko museo austriarra
• Arte austriarraren galeria (Österreichische Galerie Belvedere).

Belvederen margo inperialen  bilduma nabarmen bat antzeman daiteke. Goiko solairuan  XIX eta XX. Mendeetako  galeria austriar bat du, Gustav Klimten Muxua artelana ikus daiteke bertan, besteak beste.

Historia

Jauregia 1714 eta 1723 urteen artean eraiki zuen Eugenio Savoiakoa printzeak, turkiarren garaipenaren ondoren. Belvedere jauregia Johann Lukas von Hildebrandtek diseinatu zuen. Eraikuntzaren ideia festak ospatzeko esparru bat egitea zen eta horrela, printzearen ospea handitu. Eugenio printzearen heriotzaren ondoren  Maria Teresa enperatrizak eskuratu zuen.

Estatu Austriarraren tratatuaren sinadura bertan egin zen 1955eko maiatzaren 15ean, honek Austriaren independentzia suposatu zuelarik Bigarren Mundu Gerra eta aliatuen okupazioaren ondoren

Kanpo estekak

• Datuak: Q211818
• Multimedia: Belvedere (Vienna) / Q211818