Juan Martín Díez

Juan Martín Díez
	El Empecinado, Francisco Goya, 1814. Irudi gehiago
Bizitza
Jaiotza	Castrillo de Duero, 1775eko irailaren 2a
Herrialdea	Espainia
Heriotza	Roa, 1825eko abuztuaren 20a (49 urte)
Hobiratze lekua	Q58875848
Heriotza modua	: urkatzea
Hezkuntza
Hizkuntzak	gaztelania
Jarduerak
Jarduerak	soldadua eta militarra
Jasotako sariak	ikusi San Fernandoren Gurutze Ohoratua ;
Izengoitia(k)	El Empecinado
Zerbitzu militarra
Adar militarra	Espainiako Lurreko Armada
Gradua	jeneral
Parte hartutako gatazkak	Napoleondar Gerrak

Juan Martín Díez, El Empecinado gisa ere ezaguna (Castrillo de Duero, Valladolid, 1775eko irailaren 5a - Roa, Burgos, 1825eko abuztuaren 20a), espainiar gerrillaria izan zen.

Biografia

Laboraria zen eta frantses indarren aurkako lehen gerrilla-talde garrantzitsua antolatu zuen Espainian, 1808an.

Cuenca eta Guadalajara aldean borrokatu zen, batez ere, eta arrakasta handia izan zuen lehen urteetan. 1812ko otsailean, galera handiak eragin zizkioten frantsesek haren taldeari Sigüenza hiritik hurbil, baina taldea berriro osatu eta Guadalajarako hiria hartu zuen urte berean.

Goi-mailako karguak eman zizkioten Espainiako armadan gerra ondoren, eta 1820an, Riego liberalaren matxinadan parte hartu zuen. Ondoko hiru urteetan, politika-kargu batzuk izan zituen gobernu liberalean, eta absolutistek preso hartu zuten, 1823an. Bi urtez preso eduki ondoren, heriotza-zigorra ezarri zion auzitegi batek; urkabera zeramatela esku-loturak hautsi zituen, eta baioneta-zartadez hil behar izan zuten.

Wikimedia Commonsen badira fitxategi gehiago, gai hau dutenak: Juan Martín Díez

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q794779
Multimedia: Juan Martín Díez / Q794779