Maria Pilar Urriza

Maria Pilar Urriza
	;
Bizitza
Jaiotza	Lantz, 1942ko urriaren 14a (82 urte)
Herrialdea	Nafarroa Garaia, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	maisu/maistra eta dantzaria

Maria Pilar Urriza Iriarte (Lantz, Nafarroa Garaia, 1942ko urriaren 14a) euskal dantzaria eta maistra da.

Emakume aitzindaria. Gizonezkoekin batera inauterietan Lantzeko plazan zortzikoa dantzatu zuen lehen emakumeetariko bat.

Biografia

Lantzeko herritarra ez ezik, maistra, irakaslea ere izan zen 1992an eskola itxi zuten arte. Aldaketa handiak ikusi zituen hezkuntza ereduan, eta baita haurrengan ere. Lantzeko inauteriak ere gertutik ezagutu eta bizi izan zituen, bera izan baitzen txatxoz mozorrotu zen lehenbiziko emakumeetariko bat. Dantzan berriz, nagusiei begira ikasi zuen, gaztetan.^[1]

Inauterietan dantzari

Lehen, inauterietan emakumeek ez zuten parte hartzen Lantzen. Lehenbiziko aldiz, 40 urte ingururekin jantzi zen txatxo Maria Pilar, 1982. urtean. Emakumeek gogo handia zeukaten plazara ateratzeko, irten ziren eta ez zen inolako arazorik sortu haien partaidetza onartzeko. Natural egin zuten, eta natural ikusi zen, herriko jaietan lehenagotik egiten baitzuten dantzan.^[2]^[3]

Ofizioz irakasle

Ofizioz irakaslea izan da Nafarroako hainbat eskolatan, tartean Lantzeko eskolan, eta klaseetan zein eskolaz kanpo irakatsi izan die zortzikoa herriko txikiei. 2003an hartu zuen erretiroa, baina jubilatu ondoren ere, herriko gurasoek eskatuta, zortzikoa dantzatzen irakasten die umeei. Berak herriko nagusiei begira ikasi zuen zortzikoa dantzatzen, eta ondoren, herritar gehienei zortzikoa irakastea tokatu zaio.^[4] Bere bi pasioak, hezkuntza eta inauteriak.

Erreferentziak

↑ Lantzeko zortzikoaren irakaslea: Maria Pilar Urriza. (Noiz kontsultatua: 2022-10-14).
↑ puntapioa. «Maria Pilar Urriza: "Zortzikoa soilik dantzatzen dut mozorrotuz gero, bestela ez"» dantzan.eus (Noiz kontsultatua: 2022-10-14).
↑ Tubia, Iker. ««Zortzikoa soilik dantzatzen dut mozorrotuz gero, bestela ez»» Berria (Noiz kontsultatua: 2022-10-14).
↑ «Maria Pilar Urriza, gizonezkoekin batera Lantzeko plazan zortzikoa dantzatu zuen lehen emakumea» Argia (Noiz kontsultatua: 2022-10-14).

Datuak: Q61022241

[1] Lantzeko zortzikoaren irakaslea: Maria Pilar Urriza. (Noiz kontsultatua: 2022-10-14).

[2] untapioa. «Maria Pilar Urriza: "Zortzikoa soilik dantzatzen dut mozorrotuz gero, bestela ez"» dantzan.eus (Noiz kontsultatua: 2022-10-14).

[3] Tubia, Iker. ««Zortzikoa soilik dantzatzen dut mozorrotuz gero, bestela ez»» Berria (Noiz kontsultatua: 2022-10-14).

[4] «Maria Pilar Urriza, gizonezkoekin batera Lantzeko plazan zortzikoa dantzatu zuen lehen emakumea» Argia (Noiz kontsultatua: 2022-10-14).

[1]

[2]

[3]

[4]