Olga Román

Olga Román
Bizitza
Jaiotza	Madril, 1965 (58/59 urte)
Herrialdea	Espainia
Hezkuntza
Heziketa	Berklee College of Music
Hizkuntzak	gaztelania
Jarduerak
Jarduerak	abeslaria eta jazz musikaria
Musika instrumentua	ahotsa
olgaroman.com

Olga Román eta Joaquin Sabina kontzertuan

Olga Román (Madril, 1965) abeslari eta konpositorea da. Jazza, Latinoamerikako musika eta Argentinako folklorea ditu ardatz.

Biografia

1985ean, Fulbright beka batekin musika ikasi zuen Bostonen (Estatu Batuak) eta Berklee College of Music eskola entzutetsuan cum laude lortu zuen 1987ko abenduan. 1988an Olga Román Quartet sortu zuen. Ekialdeko kostaldeko jazz-jaialdi askotan aritu ziren, besteak beste, Montreal, Quebec, Boston Globe eta Newport. 1992an, jazz-kantari onenaren Boston Music Awards sarietarako izendatu zuten.

Lankidetzak

Estatu Batuetara joan aurretik, Olga Román izan zen 1982an Nuestro pequeño mundo taldeko azken emakume-ahotsa. Juan Alberto Artechek taldea birfundatu zuen desagertzear egon ondoren, Olga Román sartu zuen bokalista gisa eta azken diskoa grabatu zuten: NPM. Moby Dicken bila. Handik gutxira, Olga Romanek Entre amigos eta Cuerpo a Cuerpo zuzeneko diskoa grabatu eta kantatu zuen Luis Eduardo Auterekin (1983), Espainiako biretan lagunduz.

Estatu Batuetan egon zen bitartean, El Eco, Aché eta Latinoamérica musika latindar taldeetako abeslari bakarlaria izan zen, eta 1988an Olga Román Quartet sortu zuen, Montreal Jazz Festival, Québec Jazz Festival, Boston Globe Jazz Festival eta Newport jaialdietan parte hartzeko, besteak beste. Irratiko eta telebistako zuzeneko hainbat programatan ere parte hartu zuen.

1993ko urtarrilean Espainiara itzuli zen eta harrezkero Joaquín Sabinarekin aritu da lanean. Honek beti nahi izan du bere ahotsa Esta boca es mía, Yo, mi, me, contigo, 19 días y 500 noches, bikoitza zuzenean Nos sobran los motivos eta Dimelo en la calle. Aspalditik dabil Olga Román Joaquín Sabinarekin, Espainian eta Latinoamerikan egin dituen biretan.

Jorge Drexler eta Pedro Guerrarekin ere kolaboratu du, eta Azucena Rodríguez zine-zuzendariaren Entre Rojas eta El amor perjudica seriamente la salud filmetako gai nagusiak grabatu ditu.

2003an ...Entre todas las mujeres/ Emakume guztien artean izeneko diskoan parte hartu zuen. Emakume kantariek Joaquín Sabinari egindako omenaldia,"Esta boca es mía" gaiarekin, Víctor Manuelek ekoitzia.

Diskografia

Vueltas y Vueltas

Vueltas y vueltas (2001) bakarkako lehen lana izan zen, eta gai gehienak bereak dira. Pedro Guerrak disko honetan "Sin darnos cuenta" eta "Cómo puedo saber" abestiak konposatu zituen, Olga Romanen estilorako egokiak.

"Again" abestia Miguel Albaladejoren "El cielo abierto" filmean sartu zen, eta 2002ko Zinemako Goya Sarietarako izendatu zuten, Jatorrizko kanta onenaren sarirako. "Maria vale más" abestia "Hay que volver a empezar" CDan sartu zen, eta "No da igual" gaia LaOtra telebista-katearen sintonia bihurtu da.

Olga Roman 2

2004an bigarren diskoa argitaratu zuen, Olga Román 2. Madril eta Buenos Airesen artean grabatu zuten, eta Jorge Drexlerren laguntza izan zuen "Apareces" abestian eta Carmen Parisena "Me asomo" abestian.

Bakarlari gisa goraka egin zuen, eta Joaquín Sabina lagun zuen korista izateari utzi zion.

Seguir Caminando

2011. urtean disko berria atera zuen, "Seguir caminando/Jarraitu oinez" izenekoa, Joaquín Sabina eta Pablo Milanésen laguntzarekin. Diskoarekin batera, Madrilen hasi eta Madrilgo Jazzaldian aurkeztu zen. 2012ko martxoan argitaratu zuen Argentinan Seguir Caminando diskoa, Arte y Repertorios-ek banatua. Ondoren, aurkezpen-bira bat egin zuen, eta Buenos Aires, La Plata, Rosario, Santa Fe, Río Cuarto, San Luis, Mendoza, Kordoba, Bahía Blanca eta Mar del Plata hirietara joan zen.

De agua y Laurel

Argitalpenaren eta aurkezpen-biraren ondoren, De agua y laurel Olga Román diskoa sortzen hasi zen. Néstor Díaz musikari eta ekoizle argentinarrarekin harremanetan jarri zen, eta Gustavo Cuchi Leguizamón folklore-konpositore argentinarrari omenaldia egitea erabaki zuten. Konpositorearen obra handiak bildu zituen errepertorioa aukeratu zuten, hala nola La pomeña, Zamba de carnaval, La arenosa, Zamba de la viuda edo Juan panadero.

Juan Carlos Baglietto abeslaria Zamba de Carnaval abestian eta Ángela Irene kantaria Zamba del Laurele abestian aritu dira diskoan.Disko hau Alfiz produkzioek argitaratuko dute eta Sony Music Argentinak banatuko du Argentinan, Uruguayn eta Paraguayn.

Sariak eta aintzatespenak

• 1992an, jazz-kantari onenaren Boston Music Awards sarietarako izendatu zuten.
• 2002ko Zinemako Goya Sarietarako izendatu zuten, Jatorrizko kanta onenaren sarirako."Again" abestia Miguel Albaladejoren "El cielo abierto" filmean sartu zuena.

Kanpo estekak

• Orrialde ofiziala

• Datuak: Q7086670