Sarah Winstedt

Sarah Winstedt
Bizitza
Jaiotzako izen-deiturak	Sarah O'Flynn
Jaiotza	Sixmilebridge, 1886ko apirilaren 4a
Herrialdea	Erresuma Batua Irlandako Errepublika Britainia Handia eta Irlandako Erresuma Batua
Heriotza	Havant, 1972ko irailaren 9a (86 urte)
Familia
Ezkontidea(k)	Richard Olaf Winstedt (en)
Hezkuntza
Heziketa	University of Edinburgh Medical School (en)
Hizkuntzak	ingelesa
Jarduerak
Jarduerak	medikua, zirujaua eta sufragettea
Jasotako sariak	ikusi Gose Grebaren Domina

Sarah Mary Josephine Winstedt, sortzez O'Flynn (Sixmilebridge, 1886ko apirilaren 4a - Havant, Hampshire,1972ko irailaren 9a) medikua, zirujaua eta sufragista irlandarra zen. Bere bizitzaren zati bat Malaysia britainiarrean igaro zuen, 1913tik 1935era.  Testuinguru kolonialean osasunari egin zion ekarpena zela eta, Singapore Women's Hall of Fame-n (en) sartua izan zen hil ondoan. Mediku izan zen bi mundu-gerretan, eta George V.aren zilarrezko erretiroaren domina (en) jaso zuen 1935ean.

Gaztaroa eta ibilbide-hasiera

Sarah O'Flynn 1886an jaio zen Sixmilebridgen, Clare konderrian. James O'Flynn aitak artilea biltzen lan egiten zuen, eta Margaret (sortzez O'Halloran) haren bigarren emaztearen alaba zen Sarah. Irlandako eta Frantziako komentu-eskoletara joan zen, eta medikuntzako titulua Edinburgoko Unibertsitatean lortu zuen, 1912an. Geroago, obstetriziako alboko izendatu zuten Londresko Royal Free Ospitalean. Denboraldi hartan, emakumearen sufragismoaren aldeko kanpainan militatu zuen. Astebeteko gose-greba egin zuen Hollowayko kartzelan, manifestari-talde batekin Parlamentuan eraso egiten saiatu ondoren.

Ibilbidea Malaysian

1913an, London School of Tropical Medicine-n gaixotasun tropikalei buruzko ikastaro batean parte hartu ondoren, O'Flynn osasun kolonialeko kidegoarekin elkartu eta Malaysia britainiarrera bidali zuten. Kuala Lumpur Ospitaleko parrokiako emakume eta haurrez arduratu zen. Kuala Pilah-ko barrutian, emakume eta haurrentzako ospitale berria ezarri zuen. Ospitalea eraikitzen ari ziren bitartean, landa-eremuetan zehar ibili zen elefante baten bizkarrean eta bizikletan, zainketa-zerbitzuak emateko. Etxez etxeko bisita horiek Malaysiako landa-biztanleek mendebaldeko medikuntzan zuten konfiantza areagotzen lagundu zuten.

1916an, O'Flynn Britainia Handira itzuli zen, eta Royal Army Medical Corps-ekin bat egin zuen. Maltan, Tesalonikan eta Fort Pitt-en (Kent). Gerra amaitu ondoren, 1919an, Dame Muriel Paget lagundu zuen Errusiako misio humanitario batean. Malaysiara itzuli, eta, 1921ean, Richard Olaf Winstedt administratzaile kolonialarekin ezkondu zen. Singapurreko Ospitale Orokorreko kirurgia-unitatean hasi zen lanean. 1932an, ospitale hartan sortu berri zen pediatria-zerbitzuaren zuzendaritza hartu zuen. 1933an dimititu zuen, senarra aholkulari izendatu zutelako Johor-en, baina Johor Baharuko ospitale nagusian boluntario lanetan jarraitu zuen.

Britainia Handira itzulera

1935ean, Sarah eta Richard Winstedt Britainia Handira itzuli ziren. Urte berean jaso zuten King George V Silver Jubilee Medal. 1937ko abuztuan, Hampsteadeko Marie Curie emakumeentzako Ospitaleko zuzendari laguntzaile izendatu zuten, zeinetan minbiziaz arduratu zen. Bigarren Mundu Gerran, berriro bat egin zuen gerra-ahaleginarekin: Kanadara ebakuatutako haurrei lagundu zien, Auxiliary Territorial Serviceko errekruta berriak aztertzen zituen, eta Royal Arsenaleko zuzendaritza medikoari lagundu zion. Gerraren ondoren, Dartfordeko egoitza batean eta Middlesex County Council-en lan egin zuen, 1952an erretiroa hartu aurretik. Tropical Hygiene for Schools liburua idatzi zuen, 1950ean argitaratua.

Winstedt bronkopneumoniak jota hil zen 1972an Havanten, Hampshiren. 2014an, Singapour women's Hall of Fame sartu zuten, eta “Malaysiako zirujau kolonialik garrantzitsuenetariko” izendatu .

Bibliografia

• (Ingelesez) Duncan Sutherland, « Winstedt [née O'Flynn], Sarah Mary Josephine [Sara; Paddy], Lady Winstedt (1886–1972) », Oxford Dictionary of National Biography, Oxford University Press, 2015 (lire en ligne )

Kanpo estekak

• Datuak: Q28043906