Skuleskogen Parke Nazionala

Skuleskogen Parke Nazionala
Skuleskogen Parke Nazionala
	II. maila: parke nazional
Datu orokorrak
Mota	Parke nazional eta border forest (en)
Azalera	3.057,08 ha
Geografia
Koordenatuak	63°06′40″N 18°29′03″E / 63.111°N 18.4842°E
Honen parte da	Kostalde Garaia/Kvarken uhartedia
Estatu burujabe	Suedia
Suediaren banaketa administratiboa	Västernorrlandeko konderria
Suediako udalerria	Kramfors udalerria

Skuleskogen Parke Nazionala (suedieraz: Skuleskogens nationalpark), Suedia iparraldeko parke nazional bat da, Västernorrlandeko konderrian dagoena.

Etimologia

Skuleskogen izenak "Skuleko basoa" esan nahi du. Skule izena oso ohikoa da eskualde honetan, jatorria ezagutzen ez den arren.

Geografia

Itsaso Baltikoaren ertzean kokaturik dago, UNESCOk Gizateriaren Ondare izendatu zuen Höga kusten kostaldearen baitan. Topografia malkartsa dauka, muino altuena Slåttdalsberget (280m) da.

Historia

Gizakiaren lehen aztarnak Brontze Arokoak dira. XIX mendean papergintza jarduera zabaldu zen eta basoak ustiatu ziren. Mendearen bukaeran ordea explotazioa nabarmen jeitsi zen eta 1930an Parke Nazional izendatu zuten babesteko. Honi esker bere egitura berreskuratu du eta arriskuan zegoen fauna eta flora indartu dira. 1984an Parke Nazionalaren azalera haunditu egin zuten.

Geologia

Duela 1.500 milioi urte sorturiko granitoaren gainean dago parkea. Diabasa ere ageri da ipar-ekialdean, duela 1.200 urte sortu zena. Hainbat failak zeharkatzen dute parkea.

Glaziazioaren ondorengo isostasia fenomenoa ikusteko toki egokia da, urtero 8 mm altxatzen baita lurra.