Kunene (Regiuun)
 Tekst üüb Fering
|
Kunene as en regiuun uun de aafrikoons stoot Namiibia. At regiuun lei uun a nuurdwaast faan’t lun. Det as efter de Cunene Struum neemd. Det dialt a nööm mä det Cunene Prowins, wat üüb det öler sidj faan’t grens uun Angoola leit. Uun a nuurd leit Angoola, uun a nuurduast lei dön Omusati, Oshana an Oshikoto Regiuunen, uun a süüduast leit det Otjozondjupa Regiuun an uun a süüd det Erongo Regiuun. Det hee 86.856 lidj (2011)[1]. At hoodsteed as Opuwo.
Geografii
[Bewerke | Kweltekst bewerke]Det Namiib Wüüst lei uun a süüdwaast, loongs a eeg faan't Atlantik. Tu a nuurd faan detheer wüüst lei det Kaokoveld, wat uk en wüüst as.
Indialing faan Ferwalting
[Bewerke | Kweltekst bewerke]Det Kunene Regiuun hee 7 woolkreiser:
| Woolkreis | Lidj | Hoodsteed |
|---|---|---|
| Epupa | 12.816 | |
| Kamanjab | 6012 | Kamanjab |
| Khorixas | 6900 | Khorixas |
| Opuwo Steed | Opuwo | |
| Opuwo Lun | Otuani | |
| Outjo | 8400 | Outjo |
| Sesfontein | 8434 | Sesfontein |
Befölkring
[Bewerke | Kweltekst bewerke]Efter det 2011 folksteeling hee at regiuun 86.856 iinwenern: 43.603 san karmen an 43.253 san wüfhööd[2].
Spriiken
[Bewerke | Kweltekst bewerke]Efter det 2011 folksteeling, 47 prosent faan hüshualer spreege det Herero Spriik, wat ian faan dön Bantu Spriiken as[3].
Ianselefterwisen
[Bewerke | Kweltekst bewerke]- ↑ Namibia Statistics Agency, Namibia 2011 Population and Housing Census Indicators, s. 8.
- ↑ Namibia Statistics Agency, Namibia 2011 Population and Housing Census Indicators, s. 8.
- ↑ Namibia Statistics Agency, Namibia 2011 Population and Housing Census Indicators, s. 8.
Erongo | Hardap | Kavango East | Kavango West | Khomas | Kunene | Ohangwena | Omaheke | Omusati | Oshana | Oshikoto | Otjozondjupa | Zambezi | ǁKaras
