1732

1732 sa roun lannen bisègstil ki ka koumansé oun mardi.

Évènman

• 10 janvyé : trété di Hamadan ant lanpir otoman-an ké Pèrs-a. Tirk-ya ka konsèrvé yé konkèt ki Lajéyòrji-a ké Larméni-a.

• 27 janvyé : James Oglethorpe ka òbténi di Konséy privé roun chart rwayal pou kolonni-a di Lajéyòrji ; li sa signen pa lirwè-a George II 21 avril-a é ka risouvwè pa Sceau Privé 9 jen-an.

• 1e févriyé (21 janvyé di kalandriyé julyen) : ségon trété di Rasht ant Pèrs-a ké Larisi-a. Abandon pa Ris-ya dé konkèt di Pierre le Grand asou Kaspyen-an.

• 18 mars : enstorasyon di kapitasyon-an o Brézil (1732-1750). Minò-ya di Minas Gerais divèt péyé ba kouronn pòtidjé-a 17 granm dilò pa lèsklav posédé é pa lannen. À lapojé-a di èsplorasyon-an, 100 000 lèsklav ka travayé à prospègsyon-an (swé 113 arob dilò). An 1750, minis-a Pombal ka rouvini o sistenm di quinto, mé ka ègzijé oun minimòm anniyèl di 100 arob.

• 12 avril : fondasyon di Konpagni azyatik-a o Dannmark. Li ka trafiké ké Léta barbarèsk-ya, Lachin-an ké Lenn ògsidantal-ya koté li ka akéri zil-ya di Saint-Thomas ké Sainte-Croix an 1733. Dannwa-ya ka èspòrté bwa-a ké goudron nòrvéjyen-an, hareng salé é ka risouvwè disèl, dé swari épi dé danré kolonnyal.