Día Internacional da Felicidade
O Día Internacional da Felicidade celébrase o 20 de marzo de cada ano por iniciativa da Asemblea Xeral das Nacións Unidas, que así o aprobou na súa sesión do 28 de xuño de 2012.
A idea de conmemorar este día xorde da proposta do Reino de Bután, que considera que a felicidade é o sentimento máis importante do Produto Interior Bruto. Segundo a revista económica norteamericana BusinessWeek, Bután é o país máis feliz de Asia e o oitavo do mundo. Desde 1970, Bután recoñece a supremacía da felicidade por riba dos ingresos, e adoptou o concepto de Índice de Felicidade Nacional Bruta para substituír o tradicional Produto Interior Bruto.
"Neste primeiro Día Internacional da Felicidade, fortalezamos o noso compromiso co desenvolvemento humano inclusivo e sostible e reafirmemos a nosa promesa de axudar ós demais. Obrar polo ben común tamén nos enriquece. A compaixón fomenta a felicidade e axudaranos a construír o futuro que queremos."Ban Ki-moon, Secretario Xeral das Nacións Unidas, 20.03.2013
Con este Día, as Nacións Unidas consideran que a felicidade e o benestar son obxectivos universais na vida dos seres humanos de todo o mundo, polo que os Estados membros deberían contemplar este principio para deseñar e dirixir as súas políticas públicas. A resolución aprobada engadía a necesidade de que a busca e a promoción do desenvolvemento sostible, a erradicación da pobreza, a felicidade e o benestar de tódolos pobos sexan criterios a aplicar nas políticas de crecemento económico, cun enfoque máis incluínte, equitativo e equilibrado.
Véxase tamén
[editar | editar a fonte]Ligazóns externas
[editar | editar a fonte]- Organización das Nacións Unidas (en castelán)
- Resolución 66/281 da ONU pola que se declara o Día Internacional da Felicidade (en castelán)
- "La Felicidad ya tiene su día internacional: el 20 de marzo", en ABC, 28.06.2012 (en castelán)
- "Día Internacional de la Felicidad: ese objetivo humano fundamental", en ABC, 20.03.2013 (en castelán)
