Locaia de Toledo
  | |
| Biografía | |
|---|---|
| Nacemento | século III Toledo, España |
| Morte | 304 (Gregoriano) Toledo, España |
| Lugar de sepultura | provincia de Toledo |
| Período de tempo | Alto Imperio Romano |
| Enaltecemento | |
| Día de festividade relixiosa | 9 de decembro |
 | |
Locaia de Toledo[1], máis coñecida como santa Locaia, e coa variante Leocadia[1], foi unha virxe e mártir, venerada como santa pola Igrexa católica.
Locaia é unha das santas de culto máis antigo de España, aparecendo citada xa, por exemplo, nos calendarios mozárabes.[2] A prisión e morte de Leocadia foi narrada nun relato do século VII.[2]
Haxiografía
[editar | editar a fonte]Segundo a tradición foi Publio Daciano, prefecto romano de Hispania e gobernador da Bética, quen aplicou en Hispania o decreto de Diocleciano que ordenaba a persecución dos cristiáns.[3]
Ao chegar a Toledo, o pretor Daciano manda encarcerar a Locaia pola confesión pública da súa fe e polo seu rexeitamento á apostasía. Locaia foi encerrada con amarras e nun alxube escuro para que reflexionase sobre os tormentos que a esperaban se non rectificaba.[2] Decatada do martirio de Baia de Mérida e doutros mártires como, entre outros, Vicente, Sabina e Cristeta de Talavera, cos tremendos tormentos que lles foron aplicados con gran crueldade, Locaia morre, talvez tamén de esgotamento, en prisión.[2]
Iconografía
[editar | editar a fonte]Represéntase cunha cruz, xa que debuxou unha nunha rocha do cárcere no que estivo, e coa palma do martirio.[2] Tamén ante o pretor, azoutada e en prisión. Noutras ocasións represéntase na súa aparición a santo Ildefonso de Toledo. Por último, represéntase cunha torre, por morrer en prisión. Ten o título de confesora.[2]
Referencias
[editar | editar a fonte]- ↑ 1,0 1,1 "Guía de nomes galegos". Real Academia Galega. Consultado o 2023-09-21.
- ↑ 2,0 2,1 2,2 2,3 2,4 2,5 Rivera Recio, Juan Francisco. "Santa Leocadia, patrona de Toledo (España)". Arquivado dende o orixinal o 3 de febrero de 2017. Consultado o 18 de diciembre de 2015.
- ↑ Castelló, Gabriel (17 de enero de 2015). "San Vicente mártir y Valencia". Arquivado dende o orixinal o 15 de enero de 2018. Consultado o 16 de noviembre de 2015.
Véxase tamén
[editar | editar a fonte]Outros artigos
[editar | editar a fonte]