Opresión

Caricatura de 1904 que mostra a un xudeu ruso que leva un gran vulto coa etiqueta «opresión» nas súas costas. No fondo, á dereita, arde unha comunidade xudía, e na esquina superior esquerda, Theodore Roosevelt fala co emperador de Rusia, Nicolao II: «Agora que tes paz por fóra, por que non quitas a súa carga e tes paz dentro das túas fronteiras?»

En socioloxía, a opresión é a relación asimétrica entre dúas partes, polo demais iguais: opresora e oprimida, que se orixina nunha desigual distribución e/ou uso do poder, que brinda beneficios ó opresor a expensas dos intereses ou a vontade do oprimido. A diferenciación entre clases de opresión podería ser posible atendendo á natureza do poder ou as partes involucradas na relación.

Opresión social

Unha muller liberándose das súas cadeas, símbolo da loita contra a opresión.

A opresión social é cando un só grupo na sociedade se aproveita e exerce poder sobre outro grupo que usa o dominio e a subordinación. Isto dá como resultado os malos tratos e a explotación socialmente sustentados dun grupo de individuos por parte de quen posúe un poder relativo. Nunha contorna de grupo social, a opresión pode basearse en moitas ideas, como a pobreza, o xénero, a clase, a raza ou outras categorías. A opresión institucional, ou a opresión sistemática, é cando as leis dun lugar crean un tratamento desigual dun grupo ou grupos de identidade social específicos. Outro exemplo de opresión social é cando a un grupo social específico négaselle o acceso á educación que pode obstaculizar as súas vidas na vida posterior.

Opresión económica

O termo opresión económica cambia de significado e importancia ó longo do tempo, dependendo da súa aplicación contextual. No contexto actual, a opresión económica pode tomar varias formas, incluíndo, entre outras: a práctica do traballo en condicións de servidume, traballo forzoso, baixos salarios, denegación de igualdade de oportunidades e discriminación laboral e discriminación económica baseado en sexo, nacionalidade, raza e relixión.