Timina

Timina
Nome IUPAC 5-Metilpirimidina-2,4(1H,3H)-diona
Outros nomes 5-metiluracilo
Identificadores
Número CAS	65-71-4
PubChem	1135
ChemSpider	1103
UNII	QR26YLT7LT
MeSH	Thymine
ChEBI	CHEBI:17821
ChEMBL	CHEMBL993
Imaxes 3D Jmol	Image 1
SMILES Cc1c[nH]c(=O)[nH]c1=O
InChI InChI=1S/C5H6N2O2/c1-3-2-6-5(9)7-4(3)8/h2H,1H3,(H2,6,7,8,9) Key: RWQNBRDOKXIBIV-UHFFFAOYSA-N InChI=1/C5H6N2O2/c1-3-2-6-5(9)7-4(3)8/h2H,1H3,(H2,6,7,8,9) Key: RWQNBRDOKXIBIV-UHFFFAOYAL
Propiedades
Fórmula molecular	C5H6N2O2
Masa molar	126,11 g mol−1
Densidade	1,23 g cm−3 (calculada)
Punto de fusión	316-317 °C
Punto de ebulición	335 °C (descomponse)
Se non se indica outra cousa, os datos están tomados en condicións estándar de 25 °C e 100 kPa.

A timina é unha das catro bases nitroxenadas que forman parte do ADN, representada no código xenético coa letra T. As outras tres bases son a adenina, a guanina e a citosina. Forma o nucleósido timidina (dThd) e o nucleótido timidilato (dTMP). No ADN, a timina sempre se emparella coa adenina.

A súa fórmula é C₅ H₆ N₂ O₂. É un composto cíclico derivado da pirimidina (é unha 'base pirimidínica').

Os nucleótidos que constitúen o ADN están formados por un grupo fosfato, desoxirribosa (un azucre de cinco carbonos) e unha base nitroxenada. A timina é unha das catro bases que forman estes nucleótidos; as outras tres bases son a adenina, a citosina e a guanina. Estas últimas tamén interveñen na composición do ácido ribonucleico (ARN), pero a cuarta base deste ácido é o uracilo.

As unións transversais na estrutura de dobre hélice do ADN teñen lugar a través das bases, que sempre se emparellan de forma específica; a timina, que se representa pola letra T nas secuencias de nucleótidos, sempre se acopla coa adenina.

A timina foi descuberta en 1885 polo bioquímico alemán Albrecht Kossel.