Gustaf John Ramstedt
Gustaf John RAMSTEDT ['gustav 'jon 'ramstet] (* 22. oktobra 1873 w Ekenäsu; † 25. nowembra 1950 w Helsinki) bě šwedskorěčny finski slědźer, wědomostnik, diplomat, politikar a jedyn z prěnich finskich esperantistow (1891).
Wot 1898 do 1912 činješe Ramstedt sydom slědźenskich pućowanjow do Sibirskeje, Srjedźneje Azije a do Mongolskeje, hdźež přepytowaše tamniše rěče. Wón bě jedyn ze zažnych slědźerjow altajskich rěčow a załožer moderneje mongolistiki.
W lěće 1908 wón činaše seriju přednoškow w uniwersiće Helsinkow wo „Lingvoscienco kaj Esperanto“ (Rěčespyt a Esperanto).
Po njewotwisnosći Finskeje bě prěni wulkopósłanc Finskeje w Japanskej, Chinskej a Siamje a wostawaše w Japanskej tohodla z lěta 1919 hač do 1930. Tež za čas diplomatiskeje karjery přepytowaše rěče, mjez druhim korejšćinu.
Mjez 1936—1940 bě profesor wo sanskriće a přirunacej indoeuropskej linguistice w Uniwersiće Helsinkow a profesor fonetiki. W lěće 1946 bu woleny jako čestny čłon Danskeje Kralowskeje Wědomostneje Society a w lěće 1948 čestny čłon Finskeje Akademije Wědomosćow.
Wón přełožowaše z finšćiny a japanšćiny wjele wersow, kotrež bu w rozdźělnych wudawkow wudate, mjez druhim w Voĉoj de popoloj (Kabe, Hłosy ludow).
