Բաքինգհեմ

Բաքինգհեմ
Բնակավայր
	Բաքինգհեմ
Երկիր	Միացյալ Թագավորություն
Համայնք	Բակինհեմփշիր, կոմսություն
Բնակչություն	14 294 մարդ (2021)
Ժամային գոտի	UTC+0
Հեռախոսային կոդ	01280
Փոստային դասիչ	MK18
Պաշտոնական կայք	buckinghamuk.info
	Բաքինգհեմ (Միացյալ Թագավորություն)
	Բաքինգհեմ (Միացյալ Թագավորություն)
	Բաքինգհեմ Վիքիպահեստում

Բաքինգհեմ (անգլ.՝ Buckingham, քաղաք Անգլիայի Բաքինգհեմշիր կոմսության հյուսիսում, Նորթհեմփթոնշիրի հետ սահմանից մոտ 16 կմ հեռավորության վրա։ Քաղաքի բնակչությունը 2001 թվականին անցկացված մարդահամարի տվյալներով եղել է 11.572, 2007 թվականի տվյալներով՝ 13.200։

Պատմականորեն Բաքինգհեմը եղել է 10-րդ դարում կազմավորված Բաքինգհեմշիր կոմսության վարչական կենտրոնը^[2] մինչև 18-րդ դարի սկզբը, երբ այդ դերը փոխանցվել է Էյլսբերիին^[3]։

Բաքինգհեմում կան բազմաթիվ ռեստորաններ ու փաբեր։ Իր կառուցվածքով այն տիպիկ բրիտանական շուկայական քաղաք է։ Երեքշաբթին ու շաբաթը շուկայական օրեր են։ Յուրաքանչյուր ամսվա առաջին երեքշաբթի օրը ագարակապանները տոնավաճառ են անցկացնում։

1964-1970 թթ. բրիտանական խորհրդարանում Բաքինգհեմի պատգամավորը լրագրային հայտնի մագնատ Ռոբերտ Մաքսվելն էր։

Պատմություն

7-րդ դարի մի ավանդազրույցի համաձայն՝ Բաքինգհեմ/Բուքինգհեմը (բառացի նշանակում է «Բուքայի մարդկանց մարգագետին»^[4] ) հիմնադրել է Բուքան՝ անգլո-սաքսոնական առաջին վերաբնակների առաջնորդը^[4]։ Առաջին բնակավայրը մոտավորապես նույն տեղում էր, ինչ Բաքինգհեմի համալսարանի ներկայիս կամպուսը՝ Hunter Street Campus-ը։ 7-11-րդ դարերում Բաքինգհեմը հաճախակի ձեռքից ձեռք է անցել՝ պատկանելով մերթ սաքսերին, մերթ դանիացիներին։ Մասնավորապես, 914 թ Էդվարդ Ավագ թագավորը և անգլո-սաքսոնական բանակը մեկ ամիս բանակ են դրել Բուքինգհեմում՝ ստիպելով տեղի դանիացի առաջնորդներին հանձնվել^[4]։ Դրանից որոշ ժամանակ անց՝ ներկայիս ծխական եկեղեցու տեղում ամրոց է կառուցվել^[4]։

Բուքինգհեմը առաջինն է հիշատակված 1086 թվականին գրված Domesday Book ձեռագիր մատյանի բուքինգհեմշիրյան բաժնում տեղ գտած բնակավայրերի շարքում^[5]։

Բուքինգհեմը քաղաքի կարգավիճակ է ստացել 1554 թվականին, երբ Մերի Արյունոտը այստեղ հիմնել է մի նոր թաղամաս, որը ձգվում էր Թորնբորո կամրջից (գտնվում է ներկայիս Թորնբորո քաղաքում) մինչև Դադլի կամուրջը և Չաքմոր կամրջից մինչև Փեդբերի Միլ կամուրջը^[6]։

Կրթություն

Բաքինգհեմում է գտնվում Մեծ Բրիտանիայի երկու մասնավոր համալսարաններից մեկը՝ Բաքինգհեմի համալսարանը։ Ի տարբերություն բրիտանական համալսարանների մեծ մասի՝ նրա ուսանողների մեծամասնությունը արտասահմանցիներ են։

Արդյունաբերություն

Քաղաքն ունի մի շարք արդյունաբերական ձեռնարկություններ և տեխնոլոգիական պարկեր, այդ թվում՝ դեղագործության, էլեկտրոնիկայի, ինտերնետ առևտրի, բարդ նյութերի արտադրության ոլորտներում։

Անվանի անձինք

Թոմաս Մեյբենք (1869–1929), բրիտանացի պատկերազարդող և նկարիչ, վիկտորիանական հեքիաթային գեղանկարչության ներկայացուցիչ

Տես նաև

Ծանոթագրություններ

↑ Parish Profiles // 2021 United Kingdom census — Office for National Statistics.
↑ «The borough of Buckingham». A History of the County of Buckingham. Victoria History of the Counties of England. Vol. 3. Constable & Co. Ltd. 1925. էջեր 471–489.
↑ «The borough of Aylesbury: Introduction and borough». A History of the County of Buckingham. Victoria History of the Counties of England. Vol. 3. Constable & Co. Ltd. 1925. էջեր 1–11. «A new County Hall, a red brick building with stone dressings, said to have been designed by Sir John Vanbrugh, at the south-east end of the Market Square [Aylesbury], was built about 1727»
↑ ^4,0 ^4,1 ^4,2 ^4,3 «Buckingham then: The beginning to the Norman Conquest». University of Buckingham. Արխիվացված է օրիգինալից 2001 թ․ օգոստոսի 21-ին. Վերցված է 2010 թ․ օգոստոսի 30-ին.
↑ Morris, John (editor). Domesday Book 13: Buckinghamshire (translation). Phillimore, 1978
↑ 1911 Encyclopædia Britannica Buckingham

Արտաքին հղումներ

Վիքիպահեստն ունի նյութեր, որոնք վերաբերում են «Բաքինգհեմ» հոդվածին։

[_47d3516c1ec969e0-1] Parish Profiles // 2021 United Kingdom census — Office for National Statistics.

[VCH-BU-2] «The borough of Buckingham». A History of the County of Buckingham. Victoria History of the Counties of England. Vol. 3. Constable & Co. Ltd. 1925. էջեր 471–489.

[3] «The borough of Aylesbury: Introduction and borough». A History of the County of Buckingham. Victoria History of the Counties of England. Vol. 3. Constable & Co. Ltd. 1925. էջեր 1–11. «A new County Hall, a red brick building with stone dressings, said to have been designed by Sir John Vanbrugh, at the south-east end of the Market Square [Aylesbury], was built about 1727»

[Norman-4] 4,0 ^4,1 ^4,2 ^4,3 «Buckingham then: The beginning to the Norman Conquest». University of Buckingham. Արխիվացված է օրիգինալից 2001 թ․ օգոստոսի 21-ին. Վերցված է 2010 թ․ օգոստոսի 30-ին.

[5] Morris, John (editor). Domesday Book 13: Buckinghamshire (translation). Phillimore, 1978

[6] 1911 Encyclopædia Britannica Buckingham

[1]

[2]

[3]

[4]

[5]

[6]