Վիքիպեդիայից՝ ազատ հանրագիտարանից
Տնօրենիա , Ֆրանսիական Հանրապետության 1795 թվականի նոյեմբերի 4 -ից 1799 թվականի նոյեմբերի 10 -ի կառավարությունը։ Բաղկացած էր 5 անդամներից՝ տնօրեններից, որոնք ընտրվում էին հինգհարյուրի խորհրդի և ավագների խորհրդի կողմից։ Ամեն տարի տնօրենիայի անդամներից մեկը վիճակահանությամբ դուրս էր գալիս, և նրա տեղը ընտրվում էր մեկ ուրիշը։ Տնօրենիան մեծ իշխանություն ուներ. նշանակում էր մինիստրների , կոմիսարների , դեսպանների և այլն։ Նրա ներքին քաղաքականությունը ուղղված էր հեղափոխական շարժման դեմ, իսկ արտաքինը ուներ զավթողական բնույթ։ Տնօրենիայի գոյությանը վերջ տրվեց Նապոլեոն Բոնապարտի Բրյումերի 18-ի պետական հեղաշրջմամբ[ 1]
↑ Հ. Ավ. Գրիգորյան, Պատմական տերմինների դպրոցական համառոտ բառարան, Երևան, 1982 , էջ 34։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 410 )։
