Ծագումը։ Բացահայտում
Ծագումը։ Բացահայտում | |
|---|---|
| Հեղինակ | Լեն Ուիքս |
| Ժանր | այլընտրանքային պատմություն |
| Բնօրինակ լեզու | անգլերեն |
| Հրատարակիչ | Բուքբեյբի, Պորտլենդ, Օրեգոն, ԱՄՆ, 24 օգոստոսի 2014 |
| Թարգմանիչ հայերեն | Մարինե Հակոբյան |
| OCLC | 61261403 |
«Ծագումը։ Բացահայտում»-ը այլընտրանքային պատմական գեղարվեստական վեպ է գրված ավստրալիացի /նորզելանդացի Լեն Ուիքսի կողմից։ Այն առաջին անգամ հրատարակվել է 2014 թ. օգոստոսին անգլերենով[1][2] որպես էլեկտրոնային գիրք, և 2014 թ. նոյեմբերին լույս է տեսել հայերեն լեզվով[3][4][5]։ Վեպը ներկայացնում է հայոց մշակույթը և պատմությունը, ինչպես Հայոց ցեղասպանությունը Առաջին համաշխարհային պատերազմի ընթացքում և նշում է այնպիսի գազանություններ, ինչպիսիք են Նանկինի և Սուկ Չինի ջարդերը, որոնք տեղի են ունեցել Երկրորդ համաշխարհային պատերազմի ընթացքում։
Մինչ վեպը նկարագրում է 20-րդ դարի այն ժամանակաշրջանը մարդկության պատմության մեջ, երբ խորապես մտահոգիչ և ողբերգական իրադարձություններ էին տեղի ունենում, այն նաև քննարկում է 21-րդ դարի հետ առնչվող դրական արդյունքներ։ Պատմության հիմնական շեշտը մարդկային բնազդի հիմքը հանդիսանալու ԴՆԹ-ից գենետիկ հիշողության հնարավորությունն է։ Կերպարները «բացահայտում են» այն տեղը, որտեղ ուխտի տապանակը կարող է թաքցված լինել։ Վեպը նաև ուսումնասիրում է[6] խաղաղության հնարավորությունը Թուրքիայի և Հայաստանի միջև[7]։
Սյուժեի ամփոփում
[խմբագրել | խմբագրել կոդը]Պատմությունը սկսվում է 1930 թ.-ին, Խորհրդային ժամանակաշրջանում՝ Հայաստանի Արենի գյուղում կյանքի մարտահրավերների ուսումնասիրությունից։ Գյուղացիներից մեկը չէր գիտակցում, որ մեծ նշանակություն ունեցող գաղտնիքի կրող է հանդիսանում։ 1937 թ.-ին կայացրած մի որոշում փոխում է այն անցյալը, որ մենք գիտենք այսօր. սա այլընտրանքային պատմություն է։ Երբ 1941 թ.-ին Ճապոնիան Առանցքի երկրների իր դաշնակիցների հետ որոշում է հարձակվել Խորհրդային Միության վրա, դա բերում է կոմունիստական պետության անկմանը։ Միացյալ Նահանգները չի ներքաշվում պատերազմի մեջ, ինչպես իրականում տեղի է ունեցել, իսկ Առանցքի երկրներն իրենց ազդեցությունը տարածում են ողջ Հյուսիսային Աֆրիկայի, Եվրոպայի և Ասիայի վրա։
Առանցքի ուժերը հաղթանակ են տանում Երկրորդ համաշխարհային պատերազմում, սակայն դրա արդյունքում ընդհանուր կապ է առաջանում այն պետությունների միջև, որոնք այլ պարագայում թշնամիներ կլինեին։ Տարբեր ազգությունների ներկայացուցիչներ ուս ուսի տված դիմակայում են բռնազավթմանը, և անհավանական դաշինքներ են ձևավորվում։ Փոքր երկրները ճակատագրի բերումով ապաստարան են տրամադրում ավելի հզոր երկրների ղեկավարներին։ Փոքր ազգերը կամ համայնքները ներկայացնող հինգ անհատներից յուրաքանչյուրն իր առանցքային դերակատարությունն է ունենում պատմության հանգուցալուծման մեջ՝ չնայած նրանցից մեկը զոհաբերում է իր կյանքը։ Չնայած հակամարտությանը հերոսները հասարակ մարդիկ են, այլ ոչ թե զինված հաղթանդամներ։ Սա արտասովոր պատմություն է, քանի որ ընդգծում է գիտնականների դերը, որոնք այնքան փոփոխություն են մտցնում մեր առօրյա կյանքում՝ չնայած ըստ արժանվույն չեն գնահատվում։
Եվս մեկ համաշխարհային պատերազմի համար սերմերը ցանված են՝ չնայած հակամարտությունն ու մարդկային քաջությունը ընդամենը նախապայման են հանդիսանում մարդկային պատմության կարևորագույն բացահայտումներից մեկի համար։ Պատմության մեջ երկու թեմաներ միահյուսվում են։ Թեմաներից մեկը ներառում է բուն հակամարտությունը և առաջադեմ տեխնոլոգիաների զարգացումը, ինչպիսին է միջուկային զենքը։ Երկրորդ թեման ներառում է Ծագման նախագիծը, որը բացահայտում է մարդկության մասին մի մեծ գաղտնիք։ Դա հայելի է հանդիսանում մարդկային գիտակցության համար, որն, ի վերջո, բեկումնային դեր է խաղում Առանցքի երկրների անկման գործում։ Աշխարհը, ինչպես նաև այն, թե ինչպես են մարդիկ հասկանում իրենց մարդկային էությունը, մեկընդմիշտ փոխվել է։
Կերպարներ
[խմբագրել | խմբագրել կոդը]Գլխավոր կերպար
- Թագուհի Ամատունի (ծնվ. 1913)՝ հայ հնագետ Արենի գյուղից։
Աջակցող գլխավոր կերպարներ
- Ջեք Թոմփսոն (1909)՝ ավստրալիացի ինժեներ և նավաստի Սիդնեյից,
- Ջիվան Դևի (1895)՝ նեպալացի կուսակրոն և քաղաքական առաջնորդ Կատմանդուից,
- Նդայա Մուսասա (1912)՝ կոնգոլացի, ոչ ավանդական բժշկության փորձագետ և դեղագործ Սթենլիվիլից (Կիսանգանի),
- Փիթեր Քափիկ (1909)՝ կանադացի ինուիթ մարդաբան Տուկտոյակտուկ գյուղից։
Այլ հիմնական կերպարներ
- Աբրահամ Ջեքսոն (1903), աֆրիկա-ամերիկացի ոսկի արդյունահանող և խանութպան ծնունդով Միսսիսիպիից,
- Արմինե Ղուկասյան (1896)՝ Հայոց պատմության և աշխարհագրության ուսուցչուհի Արենի գյուղից,
- Եվա Ավագյան (1890)՝ հայուհի Արենի գյուղից,
- Գասպար Հարությունյան (1905)՝ հայ, քահանայի օգնական և քահանա Արենիի մոտակայքից,
- Ջհարնա Դևի (1926)՝ նեպալացի հատուկ քաղաքական ներկայացուցիչ,
- Լիլիթ Ամատունի (1892)՝ հայ դերձակուհի Վանից և Արենիից (Թագուհու մայրը),
- Մինսիլու Ռիսաևա (1909)՝ բաշկիր կին ռուսական Սիմ գյուղից, Չելյաբինսկի մարզ,
- Ռաջեշ Դևի (1912)՝ նեպալացի զինվորական Կատմանդուից,
- Ռավիլ Ռիսաև (1904)՝ բաշկիր հողագործ և մեղվապահ ռուսական Սիմ գյուղից։
Ծանոթագրություններ
[խմբագրել | խմբագրել կոդը]- ↑ 650 Page Moment of Madness, RSA New Zealand, «Տես ավելին՝ http://issuu.com/waterfordpresslimited/docs/rsa_review_summer_2014/34?e=6257070/10516001/»
{{citation}}: External link in|quote= - ↑ Epic novel memorializing Armenian Genocide available online, Mediamax, «Տես ավելին՝ https://mediamax.am/en/news/society/11471/»
{{citation}}: External link in|quote= - ↑ «Ծագումը։ Բացահայտում», Լյունսե Հայաստանի հանրային ռադիո, «Տես ավելին՝ http://lyunse.com/?p=13917/»
{{citation}}: External link in|quote= - ↑ Նորզելանդացի Լեն Ուիքսը Հայոց ցեղասպանության մասին վեպ է հրատարակել
- ↑ «ԾԱԳՈՒՄԸ։ ԲԱՑԱՀԱՅՏՈՒՄ». ԱՅԼԸՆՏՐԱՆՔԱՅԻՆ ՊԱՏՄՈՒԹՅՈՒՆ, Երևանի պետական համալսարան, «Տես ավելին՝ http://ysu.am/news/hy/The-book-Origins-Discovery-by-Len-Wicks/»
{{citation}}: External link in|quote= - ↑ Սարգսյանը հրավիրում է Թուրքիայի նախագահին Հայաստան հարգելու Հայոց ցեղասպանության 100-ամյակը, ARKA News Agency, «Տե՛ս ավելին՝ http://arka.am/en/news/politics/sargsyan_invites_turkish_president_to_armenia_to_mark_100th_anniversary_of_armenian_genocide_/#sthash.J83ZM7TU.dpuf.»
{{citation}}: External link in|quote= - ↑ ՀՀ ԱԳ նախարարն Էրդողանին հանձնել է պաշտոնական հրավեր 2015 թ. ապրիլի 24-ին ներկա գտնվելու Երեւանում, Մեդիամաքս, «Տե՛ս ավելին՝ https://mediamax.am/am/news/foreignpolicy/11418/»
{{citation}}: External link in|quote=
Արտաքին հղումներ
[խմբագրել | խմբագրել կոդը]- «Ծագումը։ Բացահայտում»-ի պաշտոնական կայքը http://originsdiscovery.com/
