Jump to content

Կարինե Աճեմյան

Վիքիպեդիայից՝ ազատ հանրագիտարանից
Վիքիպեդիայում կան հոդվածներ Աճեմյան ազգանունով այլ մարդկանց մասին։
Կարինե Աճեմյան
Դիմանկար
Ծնվել էհուլիսի 1, 1962(1962-07-01)[1][2] (62 տարեկան)
ԾննդավայրԵրևան, Հայկական ԽՍՀ, ԽՍՀՄ կամ Հայկական ԽՍՀ, ԽՍՀՄ
Քաղաքացիություն Հայաստան
Մասնագիտությունքաղաքական գործիչ և դերասանուհի
Զբաղեցրած պաշտոններՀայաստանի Ազգային ժողովի պատգամավոր, Հայաստանի Ազգային ժողովի պատգամավոր և Հայաստանի Ազգային ժողովի պատգամավոր
ԿուսակցությունՀայաստանի Հանրապետական կուսակցություն
Պարգևներ և
մրցանակներ
Երախտագիտության մեդալ և Գարեգին Նժդեհ մեդալ
 Karine Atchemyan Վիքիպահեստում

Կարինե Խաչիկի Աճեմյան (հուլիսի 1, 1962(1962-07-01)[1][2], Երևան, Հայկական ԽՍՀ, ԽՍՀՄ և Հայկական ԽՍՀ, ԽՍՀՄ), հայ քաղաքական գործիչ, դերասան, ՀՀ Ազգային ժողովի 4-րդ, 5-րդ և 6-րդ գումարումների պատգամավոր, Հայաստանի հանրապետական կուսակցության անդամ[3], ՀՀԿ կանանց խորհրդի նախագահ։

ՀՀ վաստակավոր արտիստ Արա Դեղտրիկյանի կինը[4]։

Կրթություն

[խմբագրել | խմբագրել կոդը]

1981 թվականին ավարտել է Ռոմանոս Մելիքյանի անվան երաժշտական ուսումնարանի դաշնամուրի բաժինը։ 1988 թվականին ավարտել է Երևանի պետական գեղարվեստա-թատերական ինստիտուտի դերասանական բաժինը։ 1992 թվականին ավարտել է Հայ-բրիտանական բիզնես դպրոցը՝ ստանալով գործարար-մենեջերի որակավորում։ 1999 թվականին Վիեննայում ստացել է առևտրային բանկերի ռազմավարական պլանավորման ոլորտի բանկային աշխատողի որակավորում (IBTI)։

Աշխատանքային գործունեություն

[խմբագրել | խմբագրել կոդը]

1982 թվականից մինչև 1984 թվականը որպես դաշնամուրի դասատու և կոնցերտմայստեր աշխատել է Ստեփան Ջրբաշյանի անվան երաժշտական դպրոցում։ 1988 թվականից եղել է ՀԽՍՀ մշակույթի նախարարության գիտամեթոդաբանական կենտրոնի ռեժիսոր, ավագ գիտաշխատող։ 1994-1996 թվականներին աշխատել է որպես «Մետրո» թատրոնի տնօրեն։ 1998 թվականին որպես գլխավոր տնօրենի խորհրդական աշխատել է «Հայխնայբանկում», այնուհետև եղել է բանկի աշխատակազմի և քարտուղարության ղեկավար։ 2000-2002 թվականներին որպես տնօրենի խորհրդական աշխատել է Ռազմավարական և ազգային հետազոտությունների հայկական կենտրոնում։ 2002-2004 թվականներին եղել է «GTMC» (General Transworld Manufacturing Company) ՓԲԸ ֆինանսական բաժնի պետ, 2004-2005 թվականներին՝ «Քանաքեռ» ՓԲԸ-ում որպես տնօրենի գլխավոր խորհրդական։ 2005-2009 թվականներին եղել է «Արվեստ» հիմնադրամի գլխավոր տնօրեն, 2008 թվականին նշանակվել է ՀՀ մշակույթի նախարարի խորհրդական։

Անդամություն

[խմբագրել | խմբագրել կոդը]

2010 թվականին ընտրվել է Երևանի թատրոնի և կինոյի պետական ինստիտուտի կառավարման խորհրդի անդամ։ 2012 թվականին՝ Երևանի պետական լեզվահասարակագիտական համալսարանի խորհրդի անդամ։ 2005 թվականից Հայաստանի հանրապետական կուսակցության կանանց խորհրդի անդամ է, մշակութային հանձնախմբի ղեկավար։

Քաղաքական գործունեություն

[խմբագրել | խմբագրել կոդը]

2009 թվականի, մայիսի 12-ին համամասնական ընտրակարգով Հայաստանի հանրապետական կուսակցության ցուցակով ընտրվել է ՀՀ 4-րդ գումարման Ազգային ժողովի պատգամավոր։ Եղել է ԱԺ գիտության, կրթության, մշակույթի, երիտասարդության և սպորտի հարցերի մշտական հանձնաժողովի անդամ, ՀՀԿ խմբակցության և խորհրդի անդամ։

2012 թվականին նորից համամասնական ընտրակարգով ընտրվել է ՀՀ 5-րդ գումարման Ազգային ժողովի պատգամավոր։ Եղել է ԱԺ գիտության, կրթության, մշակույթի, երիտասարդության և սպորտի հարցերի մշտական հանձնաժողովի անդամ։

2017 թվականի ապրիլի 2-ին ՀՀԿ համապետական ընտրական ցուցակով ընտրվել է ՀՀ 6-րդ գումարման ազգային ժողովի պատգամավոր։ 2019 թ․-ից պատգամավոր չէ։

Ընտանիք

[խմբագրել | խմբագրել կոդը]

Ամուսնացած է, ունի մեկ զավակ։

Պարգևներ

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ 1,0 1,1 http://www.parliament.am/deputies.php?sel=details&ID=982&lang=eng
  2. ↑ 2,0 2,1 http://www.parliament.am/deputies.php?sel=details&ID=1066&lang=eng
  3. ↑ Կարինե Խաչիկի Աճեմյանը ՀՀ Ազգային Ժողովի պաշտոնական կայքում
  4. ↑ Պատգամավորի ամուսին լինելը դժվար չէ. Արա Դեղտրիկյան
  5. ↑ «ՀՀ Նախագահի հրամանագրերը - Փաստաթղթեր - Հայաստանի Նախագահ». նախագահ.հայ. Վերցված է 2017 թ․ դեկտեմբերի 31-ին.
Ստացված է «https://hy.wikipedia.org/w/index.php?title=Կարինե_Աճեմյան&oldid=9898437» էջից