Ուրտ (գետ)

Բնութագիր
Երկարություն	165 կմ
Ավազանի մակերես	3624 կմ²
Ջրի ծախս	55,2 մ³/վ
Ջրահոսք
Ակունքի տեղակայում	Western Ourthe?
Գետաբերանի տեղակայում	Մաաս
Կոորդինատներ
Հոսող հոսքեր	Amblève?, Vesdre?, Ruisseau de Gobry?, Haze?, Boé?, Նեբլոն, Nanchenioule?, Lembrée?, Aisne?, Isbelle?, Bronze?, Western Ourthe?, Eastern Ourthe?, Magrée?, Somme?, Bloquay?, Maboge?, Marchette?, Chawresse?, Colonster?, Blanc Gravier?, Ruisseau de Fond de Royen?, Ruisseau de Vecpre?, Ruisseau des Quartes? և Ruisseau de Nohaipre?
Ջրահավաք	Basin of River Ourthe?

Ուրտ (ֆր.՝ Ourthe), 165 կիլոմետր երկարություն ունեցող գետ Բելգիայի Թագավորության Վալոնիա երկրամասում, Արդեններ լեռնահամակարգում։ Առաջանում է Արևմտյան Ուրտ և Արևելյան Ուրտ գետերի միախառնումով։ Մաաս գետի աջակողմյան վտակներից է։

Ընդհանուր տեղեկություններ

Արևմտյան Ուրտի ակունքը գտնվում է բելգիական Լյուքսեմբուրգ պրովինցիայում՝ Լիբրամոնտ-Չևինյի քաղաքից ոչ հեռու։ Արևելյան Ուրտի ակունքը նույնպես Լյուքսեմբուրգ պրովինցիայում է, Լյուքսեմբուրգ պետության հետ սահմանից ոչ հեռու, Գուվե քաղաքի մերձակայքում։ Նիսրամոնտ քաղաքի մոտակայքում այս երկու Ուրտերը միանում են, որից հետո գետը հոսում է սկզբում հյոսիսարևմտյան ուղղությամբ, այնուհետև՝ դեպի հյուսիս։ Նուասո քաղաքի մերձակայքում Ուրտը մի կարճ տարածություն հոսում է Նամյուր պրովինցիայով, Դյուրբուա համայնքն անցնելուց հետո մուտք գործում Լիեժի պրովինցիա և հենց այդ պրովինցիայի կենտրոնում՝ Լիեժ քաղաքում միանում է Մաասին։

Ուրտ գետի քիչ թե շատ կարևոր վտակներից են Ամբլևին և Ֆեսդրոմը։ Գետի ափերին գտնվող համեմատաբար խոշոր քաղաքներն են Ուֆալիզը, Լա Ռոշ ան Արդենը, Հոտտոնը, Դյուրբուան, Ամուարը, Էսնեուն։

Լիեժի պրովինցիայում՝ Անգլերում 1991-2001 թվականներին կատարվել են Ուրտի ջրահոսքի չափումներ, որոնց արդյունքում պարզվել է, որ գետի հունով յուրաքանչյուր վայրկյան հոսում է միջին հաշվով 241 խորանարդ մետր ջուր։ Վարարումների ժամանակ այդ ցուցանիշը հասել է վայրկյանում 310,5 խորանարդ մետրի, իսկ սակավաջուր տարիներին կազմել է 110,4 խորանարդ մետր մեկ վայրկյանում։ ^[1]. ^[2] : ^[3]

Ուրտը կինոյում

Ուրտ գետի և նրա հովտի մասին կինոռեժիսոր Ժան Դելարը 1953 թվականին նկարահանել է «Ուրտի գետահովիտը» (La vallée de l'Ourthe) փաստավավերագրական կարճամետրաժ կինոնկարը (տևողությունը՝ 20 րոպե)։