Ջեյմս Հարիսոն Քոբերն Կրտսեր

Ջեյմս Հարիսոն Քոբերն Կրտսեր; անգլ.՝ James Coburn
Ծնվել է	օգոստոսի 31, 1928[…]
Ծննդավայր	Laurel, Սեդար շրջան, Նեբրասկա, ԱՄՆ
Մահացել է	նոյեմբերի 18, 2002[…] (74 տարեկան)
Մահվան վայր	Բևերլի Հիլզ, Կալիֆոռնիա, ԱՄՆ
Գերեզման	Վեսթվուդի գերեզմանատուն
Կրթություն	Լոս Անջելես քաղաքի քոլեջ, Լոս Անջելեսի կալիֆոռնյան համալսարան, Ստելլա Ադլերի դերասանական ստուդիա, Հարավային Կալիֆոռնիայի համալսարան, Քոմփթոնի ավագ դպրոց և Քոմփթոնի քոլեջ
Քաղաքացիություն	ԱՄՆ
Մասնագիտություն	դերասան, սցենարիստ, կինոդերասան, հեռուստառեժիսոր, հնչյունավորող, հեռուստատեսային դերասան և թատրոնի դերասան
Ամուսին(ներ)	Paula Murad Coburn?
Պարգևներ և մրցանակներ	և Հոլիվուդյան փառքի ծառուղու աստղ
	jamescoburn.com

Ջեյմս Հարիսոն Քոբերն Կրտսեր (անգլ.՝ James Harrison Coburn, Jr.; օգոստոսի 31, 1928(1928-08-31)^[1]^[2]^[3]^[…], Laurel, Սեդար շրջան, Նեբրասկա, ԱՄՆ - նոյեմբերի 18, 2002(2002-11-18)^[1]^[2]^[3]^[…], Բևերլի Հիլզ, Կալիֆոռնիա, ԱՄՆ - ամերիկացի դերասան, որը նկարաանվել է ավելի քան յոթ տասնյակ ֆիլմերում և շուրջ հարյուր հեռուստատեսային ներկայացումներում։

Կենսագրություն

Ջեյմս Քոբերն— մեխանիկ Ջեյմս Հարիսոն Քոբերն ավագի և Մայլետ Կոբերնի (նախաամուսնական ազգանունը՝ Ջոնսոն) որդին։ Նրա մայրական պապը և տատը գաղթել էին Շվեդիայից։ Քոբերնը մեծացել է Կամպտոն քաղաքում (Կալիֆորնիա)։

1950-ականների կեսերին նա տեղափոխվել է Նյու Յորք՝ դերասանական վարպետություն սովորելու Ստելլա Ադլերի մոտ^[6]։Որպես դերասան՝ նա իր դեբյուտը կատարեց Սան Դիեգոյի La Jolla Playhouse թատրոնի բեմում։Հեռուստասերիալներում մի քանի դրվագային դերերից հետո նա նկարահանվեց մի մեծ կինոնկարում ` «The Lone Ridere» վեսթերնում(1959)։ Նույն թվականին նա առաջին անգամ ամուսնացավ Բևերլի Քելիի հետ։ Զույգը ունեցավ երկու երեխա՝ Ջեյմս Հարիսոն Քոբերն IV (ծնվ. 1961) և Լիզա (ծնված 1967)։

Մեծ ճանաչում ունեցան «Հրաշալի յոթնյակը» (1960) և Երկրորդ համաշխարհային պատերազմի մասին «Մեծ փախուստ» (1963) թրիլլերը։ Ռեժիսոր Ջոն Սթերջեսի նկարահանած երկու ֆիլմերում էլ Քոբերնը խաղում էր իր ընկերներ Սթիվ Մակկուինի և Չարլզ Բրոնսոնի հետ, իսկ «Հրաշալի յոթնյակ»-ում՝ նաև Ռոբերտ Վոնի հետ, որին ճանաչում էր դեռևս քոլեջից։ 1965 թվականին նա նկարահանվեց Սեմ Պեկինպայի «Մայոր Դենդի» ֆիլմում, իսկ հետագայում նա կնկարահանվի այդ ռեժիսորի եւս երկու ֆիլմերում։

«Մեր կողմնակից Ֆլինտը» (1966) և «Ֆլինտի նմանակը»(1967) ֆիլմերում Քոբերնը խաղում էր գաղտնի գործակալի դեր՝ ծաղրանմանակելով Շոն Քոններիի դերը Ջեյմս Բոնդի մասին հեռուստասերիալում։

Վաթսունականների վերջին նա հետաքրքրվեց արեւելյան մարտարվեստով (սովորում էր Բրյուս Լիի մոտ և բուդդիզմ), ուստի շատ չէր նկարահանվում։

1971 թվականին Քոբերնը խաղում էր իռլանդացի հեղափոխականի դերը Սերջիո Լեոնեի «With Dynamite in Fist» ֆիլմում։ Մեքսիկական հեղափոխության մասին այս վեսթերնում նրա գործընկերն էր Ռոդ Սթայգերը։

1970-ականներին թողարկվեց Սեմ Պեկինպայի ևս երկու կինոնկար Քոբերնի մասնակցությամբ՝ «Փեթ Գերրեթը և Բիլլի Քիդը» (1973) վեսթերնը և «Երկաթե խաչ» դրաման՝ Երկրորդ համաշխարհային պատերազմի մասին (1977)։ Քոբերնը և Պեկինպան ընկերներ մնացին մինչ ռեժիսորի մահը՝ 1984 թվականը։ 1979-ին դերասանը բաժանվեց իր առաջին կնոջից։

Քոբերնի մոտ ռևմատոիդ արթրիտի զարգացման պատճառով 1980-ականներին նա հաճախ չէր հայտնվում էկրանին։ Այդ ընթացքում նա երգեր էր ձայնագրում բրիտանացի երգչուհի Լինսի դե Պոլի հետ և երբեմն հայտնվում հեռուստասերիալներում։ 1990-ականներին նա վերադառնում է ակտիվ կինոնկարահանումներին՝ կրկին խաղալով վեսթերններում և մարտաֆիլմերում, իսկ 1993-ին ամուսնանում է երկրորդ անգամ դերասանուհի Փոլ Օ'Հարայի հետ։ 1997-ի «Վիշտ» դրամայում խաղացած իր դերի համար Քոբերնն առաջին անգամ արժանացավ «Օսկարի» (նախկինում նա երբեք չէր առաջադրվել «Օսկարի»)։

Ջեյմս Քոբերնը մահացավ 2002 թվականի նոյեմբերի 18-ին 74 տարեկան հասակում սրտամկանի ինֆարկտից։

Ֆիլմագրության ընտրանի

Տարեթիվը	Հայերեն անվանումը	Իրական անվանումը	Խաղացած դերը
1959	Միայնակ հեծյալը	Ride Lonesome	Ուիթ
1960	Հրաշալի յոթնյակը	The Magnificent Seven	Բրիթ
1963	Մեծ փախուստ	The Great Escape	Լուիս Սեջվիք
1963	Շարադա	Charade	Թեքս Փենթհոլլո
1965	Մայոր Դենդին	Major Dundee	Սեմուել Փոթս
1966	Ճակատագրական ջերմություն կարուսելի վրա	Dead Heat on a Merry-Go-Round	Իլայ Քոչ
1967	Նախագահի հոգեվերլուծաբանը	The President's Analyst	Բժիշկ ՍԻդնի Շեֆեր
1968	Քաղցրակերը	Candy	Բժիշկ Ա․Բ․ Կրանհայթ
1969	Դժվար պայմանագիր	Hard Contract	Ջոն Կանինգեմ
1970	Վերջին թեժ կադրերը Mobile- ից	Last of the Mobile Hot Shots	Ջեբ
1971	Մի բուռ դինամիտի համար	Giù la testa	Ջոն Հ․Մելլըրի
1972	Բժիշկ Քերիի մեթոդները	The Carey Treatment	Բժիշկ Պիտեր Քերի
1973	Փեդ Գերեթը և Բիլլի Քիդը	Pat Garrett and Billy the Kid	Փեդ Գերեթ
1973	Գրպանահատ Հարրին	Harry in Your Pocket	Հարրի
1973	Sheila զբոսանավով վերջին նավարկությունը	The Last of Sheila	Քլինթոն
1975	Համտեսի՛ր փամփուշտը	Bite the Bullet	Լյուկ Մեթյուս
1975	Փողոցային մարտիկը	Hard Times	Սպիդ
1976	Երկնային ձիավորներ	Sky Riders	Ջիմ Մաքեյբ
1977	Երկաթե խաչ	Cross of Iron	Սերժանտ Ռոլֆ Շտայներ
1979	Կրակի ուժը	Firepower	Ֆենոն
1979	Մապետները	The Muppet Movie	«Էլ Սլիզո» սրճարոնի տերը
1979	Ոսկի աղջիկը	Goldengirl	Ջեկ Դրայդեն
1980	Բալթիմորյան փամփուշտը	The Baltimore Bullet	Նիկ Քեյսի
1981	Մեծ համարձակություն	High Risk	Սերանո
1981	Լուկեր	Looker	Ջոն Ռեսթոն
1990	Երիտասարդ հրաձիգները 2	Young Guns II	Ջոն Չիզում
1991	Հուդզոնի բազեն	Hudson Hawk	Ջորջ Կեպլեն
1993	Ճակատագրական անկում	Deadfall	Մայք Դոնան / Լու Դոնան
1993	Գործի՛ անցիր, քույրի՛կ 2	Sister Act 2: Back in the Habit	Պարոն Քրիսպ
1994	Մեվերիկ	Maverick	կոմոդոր Դյուվալ
1996	Ռետին	Eraser	պետ Արթուր Բելլեր
1996	Խենթ պրոֆեսորը	The Nutty Professor	Հարլան Հարթրի
1998	Վիշտ	Affliction	Գլեն Ուայթհաուս
1999	Հատուցում	Payback	Ֆերֆաքս
2001	Հրեշների կորպորացիա	Monsters, Inc.	Հենրի Ջ․ Ուոթերնուզ III
2001	Փախուստ Ելիսեյան դաշտերից	The Man from Elysian Fields	գրող Օլքոթ
2002	Ձյունե շներ	Snow Dogs	Ջեյմս «Ամպրոպային Ջեկ» Ջոնսոն

Պարգևներ

1975 — մրցանակ Western Heritage Awards («Համտեսի՛ր փամփուշտը»)
1999 — մրցանակ «Օսկար» որպես երկրորդ պլանի լավագույն դերասանի («Վիշտ»)

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Discogs — 2000.
↑ ^3,0 ^3,1 ^3,2 ^3,3 ^3,4 filmportal.de — 2005.
↑ https://obits.cleveland.com/us/obituaries/cleveland/name/paula-coburn-obituary?id=17400724
↑ https://walkoffame.com/james-coburn/
↑ Worth, Robert F. (2002 թ․ նոյեմբերի 19). «James Coburn, 74, Is Dead; A Sly Presence in 80 Films». The New York Times. 0362-4331. Վերցված է 2020 թ․ փետրվարի 9-ին.

Արտաքին հղումներ

Կաղապար:Commonscat-inline

Վիքիպահեստն ունի նյութեր, որոնք վերաբերում են «Ջեյմս Հարիսոն Քոբերն Կրտսեր» հոդվածին։

[_f6f469f4ff2f2c53-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_4d8adeae0c0bd830-2] 2,0 ^2,1 ^2,2 ^2,3 ^2,4 Discogs — 2000.

[_e00e822e1c78deca-3] 3,0 ^3,1 ^3,2 ^3,3 ^3,4 filmportal.de — 2005.

[_f506539c7d29c7c1-4] ttps://obits.cleveland.com/us/obituaries/cleveland/name/paula-coburn-obituary?id=17400724

[_3f1c2789dc10e1dd-5] ttps://walkoffame.com/james-coburn/

[6] Worth, Robert F. (2002 թ․ նոյեմբերի 19). «James Coburn, 74, Is Dead; A Sly Presence in 80 Films». The New York Times. 0362-4331. Վերցված է 2020 թ․ փետրվարի 9-ին.

[1]

[2]

[3]

[4]

[5]

[6]