Saltar al contento

Distributismo

Non revidite
De Wikipedia, le encyclopedia libere
Ferma distributista de Ontario fundate sub le criterios distributista.

Le distributismo, anque cognoscite como distributionismo, es un tertie via economic, inter le socialismo e le capitalismo, formulate per pensatores como Gilbert Keith Chesterton e Hilaire Belloc pro applicar le principios de justitia social articulate per le Ecclesia Catholic, specialmente per le Papa Leon XIII in su encyclica Rerum Novarum del anno 1891.

De accordo con le distributismo, le proprietate private super le medios de production deberea trovar se distribuite le plus amplemente possibile inter le population, in loco de trovar se centralisate sub le controlo de alcun pauc bureaucrates del governamento (como in multe formas de socialismo) o in un minoritate que controla le recursos (como in multe formas de capitalismo). Un résumé super le distributismo se trova in un declaration de Gilbert Keith Chesterton: "Multe capitalismo non significa multe capitalistas, ma multo pauc capitalistas." [1]

Principios

[modificar | modificar fonte]

Essentialmente, le distributismo se distingue per su promotion del distribution del benes. Illo sustene que, durante que le socialismo non permitte al personas le proprietate de benes de production (toto se trova sub le controlo del stato, le communitate, o del travaliatores), e durante que le capitalismo permitte solmente a alcun pauches le proprietate de istos, al contrario le distributismo tracta de fixar que le majoritate del personas se converte in proprietarios del proprietate productive. Como Hilaire Belloc diceva, le stato de distribution (in altere parolas, le stato que ha applicate le distributismo) contine "un agglomeration de familias de diverse nivellos de ricchessa, ma, con multo, le numero plus grande de proprietarios del medios de production." Isto face le distribution plus ample. Illo non se extendera a tote le benes, ma solmente al benes productive, in altere parolas, que le benes que produce ricchessa, in altere parolas, le cosas que le homine necessita pro superviver. Includente le terra, utensiles, etc.

Frequentemente illo ha essite describite como un tertie via de ordine economic, ultra socialismo e capitalismo. Nonobstante, alcunos lo ha vidite plus como un aspiration, que ha essite realisate con alcun successo in le termino curte per le compromisso con le principios de subsidiaritate e le solidaritate del cooperativismo (que se construe in iste cooperativas local financiarimente independente, uniente proprietate private e mercato con travalio collaborative e equalitate de decision).

Historia

[modificar | modificar fonte]

Durante que le encyclicas papal esseva un puncto de partita, Belloc e Chesterton se basava multo in lor suggerentias super que cambiar hodie analysante lo que functionava in le medievo ante le disveloppamento del philosophia capitalista esseva articulate pro le prime vice per Jean Ouidort in le theoria de homo economicus in De potestate regia et papali.

Le articulation del ideas del distributismo se basava in le inseniamentos papal del seculos XIX e XX, comenciante con le Papa Leon XIII e su encyclica Rerum Novarum. In le Statos Unite, currente le annos 1930, le distributismo esseva tractate in numerose essayos per Chesterton, Belloc e alteres in The American Review, publicate e editate per Seward Collins.

Le distributismo esseva depost adoptate per le Movimento del Travaliator Catholic (Catholic Worker Movement), insimul con le pensamento de Dorothy Day e Peter Maurin concernente a communitates inependente e localisate.

Dorothy lo describeva in iste forma:

"Le scopo del distributismo es le proprietate familiar de terra, cameras de labor, botecas, transportos, commercios, professiones, etcetera. Proprietate familiar es le medio de production tanto amplemente distribuite como pro esser le marca del vita economic del communitate - isto es le desiro del distribution. Es anque le desiro del mundo " (Catholic Worker, junio de 1948.)

Proprietate private

[modificar | modificar fonte]

In simile systema, le majoritate del gente poterea ganiar un forma de viver sin deber depender del uso del proprietate per alteres. Le exemplo de gente ganiante se le vita de iste maniera esserea le fermeros qui son proprietarios de lor proprie terras e le machinerias pro explotiar lo. Le idea es recognoscer que simile proprietate e equipa poterea esser de coproprietate de un communitate local plus grande que un familia, per exemplo, socios in un negotio.

Theoria geopolitic

[modificar | modificar fonte]

Ordine politic

[modificar | modificar fonte]

Le distributismo non favora un systema politic super altere, sia isto le monarchia o le democratia. Le distributismo non necessarimente appoia le anarchismo, ben que alcun distributistas, como Dorothy Day, esseva anarchistas. Le distributismo non appoia un ordine politic verso le extreme individualismo o statismo.

Partitos politic

[modificar | modificar fonte]

Le distributismo non se affilia con alcun partito politic. In Anglaterra il ha alcun partitos politic que expone ideas distributista.

Influentia

[modificar | modificar fonte]

Ernst Friedrich Schumacher

[modificar | modificar fonte]

Le distributismo es cognoscite pro haber habite un grande influentia super le economista Ernst Friedrich Schumacher, autor del libro Small Is Beautiful ("Le parve es belle") super economia in rete, qui se convertera al catholicismo.

Textos fundamental

[modificar | modificar fonte]

Pensatores

[modificar | modificar fonte]

Referentias

[modificar | modificar fonte]
  1. ↑ Gilbert Keith Chesterton, The Uses of Diversity, 1921.

Ligamines externe

[modificar | modificar fonte]

Ligamines externe in espaniol

[modificar | modificar fonte]

Ligamines externe in anglese

[modificar | modificar fonte]
Nota
Nota
Iste pagina contine material traducite ab Wikipedia in espaniol. Le articulo original se trova a es:Distributismo, e es usate secundo le mandatos del licentia de Wikipedia.
Obtenite de “https://ia.wikipedia.org/wiki/Distributismo”