H

Para iti kimiko nga elemento, kitaen ti Hidroheno.

Ti H ket ti maika-8 a letra iti alpabeto a Romano.

H
Abesedário a Latin
Aa	Bb	Cc	Dd	Ee	Ff	Gg
Hh	Ii	Jj	Kk	Ll	Mm	Nn
Oo	Pp	Qq	Rr	Ss	Tt	Uu
Vv	Ww	Xx	Yy	Zz

Pakasaritaan

Heroglipiko nga Ehipsio nga alad	Proto-Sinaitiko a ḥaṣr	Penisio a Heth	Lumaud a Griego a Heta	Etrusko a H	Latin a H

Nalabit a nangirepresentar ti orihinal a Semitiko a letra a Heth iti voiceless pharyngeal fricative (ħ). Ngata timmukoy ti porma ti letra iti maysa a alad.

Nangirepresentar pay laeng ti Griego a Eta, sakbay a mangirepresentar iti atiddog a bokal a /ɛː/, iti umasping a uni, voiceless glottal fricative (/h/). Iti daytoy a konteksto, ti Eta ket pagaammo met kas Heta. Ngarud, iti dagiti sinuratan a Daan nga Italiko, naampon ti letra a Heta, ti alpabeto nga Eubeo, iti orihinal a pateg ti uni a /h/.

Iti dagiti sasao a Romance

Nupay intinalem ti Etrusko ken Latin iti /h/ kas maysa a ponema, napukaw ti dandani amin a sasao a Romanse daytoy a uni. Idi agangay, nagpautang manen ti Rumano iti uni manipud iti dagiti asideg a sasao nga Eslabiko. Nagpataud ti Espaniol iti sekundario a H manipud iti /f/, sakbay a mapukaw manen daytoy a timek. (Naulimek H iti moderno nga Espaniol, ngem saan iti Ilokano. Kadatayo, mangirepresenta ti H iti Espaniol a J, wenno G sakbay a E wenno I: heroglipiko < jeroglífico, heograpia < geografía, kdp..)

Nagpataud ti nadumaduma a dialekto ti Espaniol iti [h] kas alopono ti /s/ wenno /x/ iti kaaduan a pagilian nga agsasao iti Espaniol, ket agus-usar ti nadumaduma a dialekto ti Portuges iti daytoy a letra kas alopono ti /ʀ/. Agus-usar met ti adu a ortograpia iti "H" iti dagiti digrapo ken dagiti trigrapo, kas iti "ch", a mangirepresenta iti /tʃ/ (Espaniol, Galego, Portuges), /ʃ/ (Pranses, moderno a Portuges), wenno /k/ (Italiano, Pranses).