Tardigrado
Tardigrado od aquo-urseto, esas mikrega plur-celul animalo, duima milimetro de longeso e larjeso de un-kinima milimetro. Ol vivas omnube. Tardigradi esas grupo relative ne-konocata.
Tardigradi unesmafoye deskriptesis e desegnesis en 1773 da la Germano Johann August Ephraim Goeze (1731–1793). Pro olia formo e deshabila marcho-modo il donis a li la nomo kleiner Wasserbär (aquo-urseto). L'Italiana biologo Lazzaro Spallanzani (1729–1799) exploris olia kapableso parsikeskar dum maxim extrema cirkonstanci. Tale li transvivas plu kam triadek yari e pose, dum normaleskanta cirkonstanci, rifuncionas, dankez proteino qua protektas e qua haltigas la metabolismo en la celuli. Spallanzani donis a li en 1776 la ciencala nomo tardigrado (la Latina por 'lenta pazanto').
Ciencisti deklaris la tardigrado la maxim probabla transvivanto di eventual apokalipso[1]. Li esas kapabla transvivar hungrego, deshidresko, oxindijo, radiado ed expozo a diferanta venenoza substanci.
