Gunung Baluran
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
| Gunung Baluran | |
|---|---|
| Èlevasi | 1,247 metres (4,091 ft) |
Gunung Baluran inggih punika salah satunggaling gunung ing Indonésia, ingkang dumunung ing Jawa Timur, Indonésia. Dhuwuripun gunung Baluran kirang langkung 1.247 mèter ing sanginggiling laut. Gunung Baluran mapan wonten ing sak tengahing Taman Nasional Baluran ingkang mapan wonten ing pucuk wétan Pulo Jawa, mliginipun ing Kabupatèn Situbondo. Ing sisih lor kawates kaliyan Selat Madura saha ing sisih wétan kawates kaliyan Selat Bali. Taman Nasional Baluran gadhah amba kirang langkung 25.000 hektar.[1]
Kaanan Fisik
[besut | besut sumber]Gunung Baluran punika sampun boten aktip malih kanthi témbok dinding kawahipun ingkang gadhah dhuwur ing antawisipun 900 ngantos 1.247 mèter saking nginggil toya laut. Wonten praduga asiling panaliten bilih ing sisih wétan saking gunung punika ingkang dhuwuripun langkung inggil sampun naté njeblug saha medalaken watu-watu ageng. Ing pérangan tengahipun pegunung sampun dumadi kaldera ingkang jero sanget kanthi cerukan kawah ingkang sampun atos ing dhasaripun. Pèrèng-pèrèng gunung dipunbelah kaliyan lembah-lembah ingkang jero ing pérangan gunung ingkang inggil saha wonten jurang-jurang watu ing pérangan gunung ingkang radi andhap. Jurang-jurang punika badhé dados papan tambungan toya ing mangsa udan, saha badhé asat piyambak toyanipun nalika mangsa kemaro. Ing sisih wétan kawah wonten laladan ingkang radi kebuka ingkang jero, ingkang ing laladan punika wonten kali kacip ingkang medal wonten ing gunung saking dhuwur 150 m dpl. Ing sakitering pèrèng gunung dipuntanduru hutan mangsa. Sapérangan ageng laladan ingkang langkung andhap inggih wujud dataran ingkang radi nggelombang. Bukit-bukit ingkang misuwur ing sakitering gunung ing antawisipun inggih wonten bukit Glengseran dhuwuripun 124 m dpl, bukit Begol dhuwuripun 64 mèter, saha bukit Priuk dhuwuripun 211 mèter. Ing sakitering gunung Baluran ing laladan ingkang andhap lan radi nggelombang sitinipun, wonten padang savana ingkang dipunkiteri wit-witan, saha sapérangan alit laladan ingkang dipuntanduri semak saha tuwuhan mrambat. Déné ing laladan pasisir wonten dherah karang ingkang lancip. Savana ingkang wonten ing mriki ambanipun kirang langkung 300 hektar wonten ing pérangan Bekol. Ing savana Bekol wonten manéka warna kéwan alasan kados ta rusa, kethèk buntut ireng, biawak, lan manawi nembé beja saged manggihaken banteng, anjing hutan, ugi macan tutul.[2]\
Uga delengen
[besut | besut sumber]Cathetan suku
[besut | besut sumber]- Whitten, T; Soeriaatmadja, R. E., Suraya A. A. (1996). The Ecology of Java and Bali. Hong Kong: Periplus Editions Ltd. kc. 92.
{{cite book}}: CS1 maint: multiple names: authors list (link)
