ზესტაფონი (საფეხბურთო კლუბი)

ზესტაფონი

ლოგო
სრული სახელი	საფეხბურთო კლუბი ზესტაფონი
დაარსდა	2004
სტადიონი	ცენტრალური ზესტაფონი, საქართველო (ტევადობა: 5,000)
პრეზიდენტი	ილია კოკაია
მწვრთნელი	გია გეგუჩაძე
ლიგა	უმაღლესი ლიგა
2009/2010	3
ძირითადი ფორმა რეზერვის ფორმა

ზესტაფონი - საფეხბურთო კლუბი, შეიქმნა 2004 წლის 18 ივნისს სააქციო საზოგადოება „გ. ნიკოლაძის სახელობის ზესტაფონის ფეროშენადნობთა ქარხნის“ აქციონერთა ინიციატივით. იმავე, 2004 წელს, ს.კ. „ზესტაფონი“-ს მთავარი გუნდი ჩაერთო საქართველოს XVI-ე ეროვნულ ჩემპიონატში, უმაღლესი ლიგის გუნდებს შორის.

სადღეისოდ საფეხბურთო კლუბი „ზესტაფონი“ წარმოადგენს ერთ დიდ შეკრულ საფეხბურთო ორგანიზმს, რომლის სისტემაშიდაც მთავარ გუნდთან ერთად შედიან: „ზესტაფონი — 2“ (საქართველოს ჩემპიონატის პირველი ლიგის მონაწილე), 1990, 1991 და 1992 წლებში დაბადებულთა გუნდები, რომლებიც საქართველოს ჩემპიონატის ჭაბუკთა და ბავშვთა ლიგაში ასპარეზობენ.

საფეხბურთო კლუბი „ზესტაფონი“ დაუღალავად შრომობს საერთაშორისო სტანდარტების შესაბამისი საფეხბურთო ინფრასტრუქტურის შესაქმნელად: გარემონტდა ზესტაფონის ცენტრალური სტადიონი, დაიგო ახალი ხელოვნურსაფარიანი სათამაშო მოედანი, ცენტრალური სტადიონის მინდორზე დამონტაჟებულია უახლესი ტექნოლოგიების შესაბამისი სადრენაჟო და სარწყავი სისტემები, მიმდიანრეობს კლუბის ბაზის მშენებლობა და ა. შ.

ერთი სიტყვით, საფეხბურთო კლუბი „ზესტაფონი“ დგას ქართული ფეხბურთის სამსახურში…

ისტორია

ფეხბურთს საქართველოში XX-ე საუკუნის დამდეგიდან დაედო სათავე. ქალაქ თბილისში ფეხბურთის მოყვარულთა პირველი წრე ჩამოყალიბდა 1906 წელს. მოხდა ეს მეცენატ ლგოტაკის ინიციატივით. მანვე 1907 წლის 23 თებერვალს შეჰქმნა პირველი ოფიციალური საფეხბურთო გუნდი საქართველოში. გუნდს, რომელსაც ჰქონდა თავისი წესდება, სახსრები, ფორმა და მოედანი ეწოდა „კომეტა“. თუმცა, უნდა ითქვას, რომ ფეხბურთს საქართველოში მანამდეც თამაშობდნენ. ხდებოდა ეს ძირითადად ზღვისპირა ქალაქებში, უპირველესყოვლისა ფოთში, სადაც ადგილობრივი გუნდები ეჯიბრებოდნენ „ბურთაობა“-ში ბრიტანელ მეზღვაურებს. სწორედ ამიტომაა ფოთი მიჩნეული ქართული ფეხბურთის აკვნად.

„მეტალურგი“, 1937 წელი რაც შეეხება ზესტაფონს, ფეხბურთს ჩვენს ქალაქში თამაშობდნენ XX-ე საუკუნის 10-იანი წლების დასაწყისიდან. პირველი ზესტაფონელი ფეხბურთელები იყვნენ ადგილობრივი გიმნაზიის (თანამედროვე I საშუალო სკოლა) აღსაზრდელები.

ჩვენი მონაცემებით, ქალაქ ზესტაფონის საფეხბურთო ნაკრები პირველად შეიკრიბა 1918 წელს, როდესაც საქართველოს სახელმწიფოებრივი დამოუკიდებლობის აღდგენასთან დაკავშირებით ორგანიზებულ დღესასწაულზე ამხანაგურად გაეჯიბრა დასავლეთ საქართველოს ერთ-ერთი ქალაქის გუნდს (სხვადასხვა წყაროების მიხედვით, სენაკი ან ოზურგეთი).

პირველი საერთაშორისო მატჩი გაიმართა ზესტაფონში ასევე დამოუკიდებლობის პერიოდში, კერძოდ 1920 წელს. ზესტაფონის ნაკრებმა უმასპინძლა ბრიტანეთის იმპერიის საოკუპაციო ჯარების გუნდს და დაამარცხა იგი ანგარიშით 2-1.

20-იან წლებშიც ზესტაფონელი ფეხბურთელები არაერთხელ შეხვედრიან მეზობელი ქალაქების გუნდებს.

1927 წელს იმართება საქართველოს პირველი ჩემპიონატი ფეხბურთში. საქართველოს პირველი ჩემპიონი ხდება ქალაქ ბათუმის ნაკრები.

„მეტალურგი“, 1948 წელი 30-იან წლებში ზესტაფონში იქმნება ორი საფეხბურთო გუნდი — „მერცხალი“ და „ლოკომოტივი“, რომლებიც მრავალჯერ მონაწილეობენ შიდასაქალაქო და რეგიონალურ ტურნირებში.

მაგრამ თვისობრივად ახალი ეპოქა ზესტაფონის ფეხბურთის ისტორიაში იწყება 30-იანი წლების მეორე ნახევარში, მას შემდეგ რაც ექსპლუატაციაში გაიშვა მეტალურგიული გიგანტი, ზესტაფონის ფეროშენადნობთა ქარხანა (სხვათაშორის, ქარხანა და ფეხბურთი დღემდე ფეხდაფეხ მოდიან). სწორედ ფეროშენადნობთა ქარხნის პროფკომიტეტის ინიციატივით 1937 წლის 10 მაისს გაიმართა ფიზიკური კულტურის მუშაკთა თათბირი, რომელმაც მიიღო გადაწყვეტილება ფეხბურთელთა გუნდის ჩამოყალიბების შესახებ. გუნდს ეწოდა „მეტალურგი“.

საქართველოს თასის მფლობელი „მეტალურგი“, 1962 წელი 1938 წლის აგვისტოში „მეტალურგი“ მონაწილეობას იღებს ქალაქ მინსკში გამართულ სპორტსაზოგადოება „მეტალურგი“-ს საკავშირო ტურნირში, სადაც ერთმანეთის მიყოლებით ამარცხებს მოსკოვის „ელექტროსტალი“-ს, სტალინგრადის „კრასნი ოქტიაბრი“-ს, ლენინგრადის „მეტალურგი“-ს გუნდებს და მხოლოდ ფინალში მარცხდება „სერპ ი მოლოტი“-ს კოლექტივთან. ამავე 1938 წლის შემოდგომიდან ზესტაფონის „მეტალურგი“ ერთვება საქართველოს ჩემპიონატში, რომელშიდაც სისტემატურად მონაწილეობს 1989 წლის ჩათვლით.

სხვადასხვა წლებში მეტალურგი გახლდათ:

საქართველოს ჩემპიონატის ვერცხლის პრიზიორი — 1967, 1970, 1982 წლებში;

საქართველოს თასის ფინალისტი — 1966, 1967, 1971 წლებში;

საქართველოს თასის მფლობელი — 1962 წელს.

საქართველოს ვიცე — ჩემპიონი, „მეტალურგი“, 1970 წელი ზესტაფონის „მეტალურგ“-ში აღზრდილი მრავალი ფეხბურთელი სხვადასხვა დროს იცავდა წამყვანი ქართული საფეხბურთო კლუბების ღირსებას საკავშირო ასპარეზზე, კერძოდ:

თბილისის „ლოკომოტივი“ — გურამ შავდია, ზაურ ჩუბინიძე;

ქუთაისის „ტორპედო“ — გურამ ნიშნიანიძე;

თბილისის „დინამო“ — გიორგი (ჟორა) ჭუმბურიძე, გურამ ქოჩიაშვილი, დოდიკ ხუნდაძე, გურამ პეტრიაშვილი, ქართლოს ცინცაძე.

1990 წელს საქართველოს ფეხბურთის ფედერაცია გადის საკავშირო ფეხბურთის ფედერაციის შემადგენლობიდან. იქმნება საქართველოს დამოუკიდებელი ფეხბურთის ფედერაცია, რომელიც მალევე ხდება ფიფა-სა და უეფა-ს წევრი, ეროვნულ ჩემპიონატში ერთვებიან წამყვანი ქართული კლუბები.

„მარგვეთი“

საქართველოს ვიცე — ჩემპიონი, უეფა-ს თასის მონაწილე, ს. კ. „მარგვეთი“ ,1996 წ.

1990 წელს ზესტაფონში იქმნება ახალი კლუბი — საფეხბურთო კლუბი „მარგვეთი“, რომელიც იკავებს „მეტალურგი“-ს ადგილს საქართველოს ეროვნული ჩემპიონატის I ჯგუფში და პირველივე წელს გადადის უმაღლეს ლიგაში. 1993 და 1996 წლებში „მარგვეთი“ საქართველოს ეროვნული თასის გათამაშების ნახევარფინალისტია. 1996 წელს „მარგვეთი“ ხდება საქართველოს ვიცე-ჩემპიონი და მონაწილეობას იღებს უეფა-ს თასის გათამაშების საკვალიფიკაციო რაუნდში. სამწუხაროდ, ფინანსური პრობლემების გამო XX საუკუნის ბოლოს კლუბი დაიშალა.

სულ, 1991—1998 წლებში ს. კ. „მარგვეთ“-მა მონაწილეობა მიიღო 8 ეროვნულ ჩემპიონატში, ჩაატარა 247 მატჩი, გაიმარჯვა 98 -ში, დაასრულა ფრედ — 43, ამარცხდა — 106-ში, ბურთების სხვაობა 397—443. 1999—2004 წლებში კვლავ გამოჩნდა ასპარეზზე საფეხბურთო კლუბი „მეტალურგი“, რომელმაც 2001—2003 წლებში მოახერხა უმაღლეს ლიგაში თამაშიც. სამწუხაროდ, მასაც „მარგვეთი“-ს ბედი ეწია.

2004 წლის 18 ივნისს კი შეიქმნა ახალი კლუბი — საფეხბურთო კლუბი „ზესტაფონი“, რომელიც გახლავთ ზესტაფონური ფეხბურთის დიდი ტრადიციების ღირსეული გამგრძელებელი და რომელმაც იმთავითვე დაიმსახურა გულშემატკივართა უსაზღვრო სიყვარული.

საფეხბურთო კლუბი "მეტალურგი "

„მეტალურგი“, 2000 წელი საფეხბურთო კლუბი „ზესტაფონი“ არსებობის პირველ სამ წელიწადში იკავებს ეროვნულ ჩემპიონატებში საპატიო 5-ე და ორჯერ 4-ე ადგილებს და ზედიზედ სამჯერ მონაწილეობს დავით ყიფიანის სახელობის ეროვნული თასის გათამაშების ფინალურ მატჩებში.

2008 წლის 16 მაისს, საფეხბურთო კლუბმა „ზესტაფონმა“ საქართველოს დავით ყიფიანის ყაზბეგის თასის გათამაშებსი ფინალში დაამარცხა თბილისის „ამერი“ 2:1 და არსებობის ისტორიაში პირველი ტიტული მოიპოვა.2008–09 წლის სეზონში ზესტაფონმა საქართველოს ჩემპიონატში მეოთხე ადგილი დაიკავა და ევროპის ლიგაზე ასპარზობის უფლება მოიპოვა.პირველ ეტაპზე კლუბმა გაანადგურა ჩრდილოეთირლანდიური ლისბერნ დისტილერი,მაგრამ მეორე ეტაპზე მეტად ღირსეულ ბრძოლაში დამარხდა შვედურ ჰელსინგბორგთან.

სტადიონი

ზესტაფონის ცენტრალურმა სტადიონმა, რომელიც აშენებულია ზესტაფონის ფეროშენადნობთა ქარხნის მიერ, ფუნქციონირება დაიწყო 1952 წელს. თუმცა რამოდენიმე მატჩი მშენებარე სტადიონზე ჩატარდა ოფიციალური გახსნის წინა, 1951 წელსაც.

1952-1989 და 1999 – 2003 წლებში ზესტაფონის ცენტრალურ სტადიონზე მატჩებს მართავდა საქართველოს ჩემპიონატის მონაწილე, საფეხბურთო კლუბი ” მეტალურგი”. 1990-1998 წლებში ზესტაფონის ცენტრალური სტადიონი გახლდათ საფეხბურთო კლუბ ” მარგვეთი”- ს მშობლიური არენა. 2004 წლიდან კი სტადიონზე საშინაო მატჩებს ატარებს საფეხბურთო კლუბი ” ზესტაფონი ”.

1981 წელს არენაზე ჩატარდა სარეკონსტრუქციო სამუშაოები , გადაიხურა დასავლეთის და აგებულ იქნა აღმოსავლეთის ტრიბუნა , რის შემდეგაც სტადიონის ტევადობა გაიზარდა 8000 ადგილამდე .

2004 წელს , ს . კ . ” ზესტაფონი ”- ს შექმნის შემდეგ , ზესტაფონის ცენტრალურ სტადიონზე ჩატარდა და დღესაც მიმდინარეობს სამშენებლო სამუშაოები , რომელთა მიზანია არენის განახლება და თანამედროვე სტანდარტებთან მიახლოვება .

2005 წლის ზაფხულში სტადიონზე ჩატარდა მინდვრის საფარის გამოცვლასთან დაკავშირებული სამუშაოები . ქართველი მშენებლების მიერ დამონტაჟებული იქნა გერმანული ტექნოლოგიით შექმნილი ახალი სადრენაჟო სისტემა . მინდორზე დამონტაჟებულია ამერიკული ფირმა ” რაინბიორდი ”- ს სარწყავი სისტემა ( სხვათა შორის , ხსენებული მორწყვის სისტემა წარმატებით აპრობირებულ იქნა 2004 წელს პორტუგალიაში გამართული ევროპის ჩემპიონატის მასპინძელ 8 სტადიონზე ).

ზესტაფონის ცენტრალურ სტადიონზე დაგებულია მინდვრის საფარი - თურქული ფირმა ” ჩიმექსი ”- ს მიერ დამზადებული ” ნატურალური მწვანე ხალიჩა ”. სწორედ ამ ფირმის პროდუქციაა გამოყენებული” ბეშიქთაშისა ” და ” ფენერბახჩეს ” მშობლიურ არენებზე , გარდა ამისა თბილისის ”ოლიმპის” სტადიონზე . აქვე მოგახსენებთ იმასაც რომ პროექტის ხელმძღვანელი გახლავთ ცნობილი სპეციალისტი ლევან ცხოვრებაშვილი .

გარდა ამისა , საფეხბურთო კლუბ ” ზესტაფონი ”- ს ხელმძღვანელობის მიერ დაგეგმილია კლუბისათვის ახალი ბაზის აშენება, ზესტაფონში აშენდა და შენდება მრავალი ახალი საფეხბურთო მოედანი (მათ შორის, ხელოვნურსაფარიანი). სტადიონზე იქმნება შესაბამისი ინფრასტრუქტურა - გარემონტდა სავარჯიშო დარბაზები სპორტსმენთათვის, ტრიბუნები აღიჭურვა პერსონალური სავარძლებით, უახლეს მომავალში იგეგმება ახალი ტრიბუნების აგება, თანამედროვე ტაბლოს დამონტაჟება ად ა . შ .

ერთი სიტყვით, ზესტაფონში კეთდება ყველაფერი იმისათვის, რომ საქართველოს საფეხბურთო რუკაზე ზესტაფონის სახით გაჩნდეს ახალი ნათელი წერტილი !

ტიტულები

საქართველოს თასი:2008

შემადგენლობა 2009/10

2009 წლის 1 აგვისტოსთვის.

შენიშვნა: დროშა აღნიშნავს ეროვნულ ნაკრებს რომელიც განსაზღვრულია ფიფა-ს წესებით. მოთამაშეები შესაძლოა რამდენიმე ფიფა-ს არაწევრ ქვეყანას/ტერიტორიას მიეკუთვნებოდნენ.

№ პოზიცია ქვეყანა მოთამაშე 1 მეკარე საქართველო როინ კვასხვაძე 3 მცველი საქართველო უჩა ლობჟანიძე 4 მცველი საქართველო გიორგი ონიანი 6 ნახევარმცველი საქართველო ნიკა კვასხვაძე 7 ნახევარმცველი საქართველო ალექსი ბენაშვილი 8 ნახევარმცველი საქართველო მურთაზ დაუშვილი 9 თავდამსხმელი საქართველო ნიკოლოზ გელაშვილი 10 ნახევარმცველი საქართველო ირაკლი ძარია 11 თავდამსხმელი საქართველო ჯაბა დვალი 12 მეკარე საქართველო ზურაბ მამალაძე 13 მცველი საქართველო კარენ მაკარიანი 13 მცველი საქართველო დავით მჭედლიშვილი

№ პოზიცია ქვეყანა მოთამაშე 15 მცველი საქართველო გიორგი კაჭკაჭიშვილი 16 მცველი საქართველო გიორგი ხიდეშელი 17 ნახევარმცველი საქართველო თორნიკე გორგიაშვილი 18 ნახევარმცველი საქართველო თორნიკე აფციაური 19 ნახევარმცველი საქართველო შოთა გრიგალაშვილი 20 მცველი საქართველო ზაალ ელიავა 21 მცველი საქართველო გიორგი მიქაბერიძე 22 ნახევარმცველი საქართველო გიორგი ცხადაია 25 მეკარე საქართველო კახაბერ მეშველიანი 27 ნახევარმცველი საქართველო გიორგი ჭანკოტაძე 30 ნახევარმცველი საქართველო ლევან კორღალიძე 37 თავდამსხმელი საქართველო რატი წინამძღვრიშვილი

ზესტაფონის ბომბარდირები

წელი	ფეხბურთელი	ქვეყანა	გოლები
2009-10	ნიკოლოზ გელაშვილი	საქართველო	16
2008-09	ნიკოლოზ გელაშვილი	საქართველო	20
2007-08	ჟილვან ვიეირა	ბრაზლია	12
2006-07	გიორგი ფიფია	საქართველო	13
2005-06	ზურაბ იონანიძე	საქართველო	12

ზესტაფონის მწვრთნელები

პერიოდი	მწვრთნელი	ტიტ. რაოდ.	ტიტული
2008 —	გია გეგუჩაძე
2006 — 2008	თემურ მახარაძე	1	1 საქართველოს თასი
2006	მერაბ კოჭლაშვილი
2006	კობა ჟორჟიკაშვილი
2006	თემურ მახარაძე
2005 — 2006	კობა ჟორჟიკაშვილი
2004 — 2005	ზემლიანოი

ტექნიკური შტაბი

• კლუბის პრეზიდენტი-ილია კოკაია
• ვიცე პრეზიდენტი-ვასილ გველესიანი
• გუნდის უფროსი-ვლადიმერ პანოვი
• პრეს ატაშე-სერგო ფუტკარაძე
• ექიმი-ლევან გოგნიაშვილი
• ადმინისტრატორი-თემურ ძიძიშვილი
• ვიდეო ოპერატორი-თემურ კვინიკაძე
• მასაჟისტი-ზაზა გოგლიჩიძე
• მასაჟისტი-თემურ გამყრელიძე
• მძღოლი-გიორგი ძაბირაძე

ცნობილი ფეხბურეთელები

• გიორგი განუგრავა
• ბექა გოცირიძე
• გიორგი ფიფია
• ჟილვან ვიეირა

რესურსები ინტერნეტში

• ოფიციალური საიტი

თარგი:უმაღლესი ლიგის კლუბები