ტუპაიასებრნი (Tupaiidae) — ნახევრად მაიმუნებისოჯახიპრიმატებისრიგისა. მათი სხეულის სიგრძე 10—25 სმ, მასა 30—350 გ. აქვთ მოკლე ფეხები, თითებზე — ნამგლისებური ბრჭყალები. ცერი არ უპირისპირდება დანარჩენ თითებს. აქვთ 38 კბილი. ბეწვი ხშირი და რბილია, უმეტესად მურა. აერთიანებს 5 გვარის 18 სახეობას. ბინადრობენ ინდოსტანისა და ინდოჩინეთის ტროპიკულ წვიმისა და მთის ტყეებში, კუნძულ ხაინანზე და მალაის არქიპელაგის მრავალ კუნძულზე. აქტიური არიან დღისით, ცხოვრობენ წყვილებად ან მარტოულად ხეებზე, ბუჩქებში, ხშირად მიწაზე. იკვებებიან მწერებით და ნაყოფებით. შობენ 1—4 ნაშიერს.
