Oliver Onions

Chest artícol a l'è scricc in Lumbàrt, ortograféa orientàl unificàda.

Oliver Onions l’è ‘l nòm de la band müzegàla di fradèi Guido De Angelis e Maurizio De Angelis, cognusìcc come arangiadùr e scritùr de colòne sonòre in dei agn 70 e 80 del sécol XX. I à firmàt i sò laùr con i nòm de Oliver Onions, ma ach de Guido De Angelis e Maurizio De Angelis, M&G Orchestra, Dilly Dilly e con di óter nòm amò.

La stòria di Oliver Onions

I à tacàt a laurà in del 1963, quando i è riàcc a mandà ‘n stàmpa ol sò prim 45 gir per la CBS, Un vecchio macinino/La goccia d'acqua (püblicàt col nòm de Guido e Maurizio); i è stai pò ciapàcc a laurà a la RCA Italiana, ‘ndóe i a tacàt a fà i arangiadùr e i türnisti, di ólte töi dù ‘nsèma, di ólte ognü per sò cónt, ma i à seitàt l’istès a püblicà.

In del 1966 i à püblicàt per la ARC ün album de müzica beat.

Tra i tate colòne sonòre che i à cüràt i piö cognusìde i è chèle di film de Bud Spencer e de Terence Hill, compàgn de ... altrimenti ci arrabbiamo! (ol 45 gir ciapàt da la colòna sonòra, Dune Buggy, l’è stacc ü di sò piö grancc sücèsi), ...continuavano a chiamarlo Trinità e Anche gli angeli mangiano fagioli.

I è sèmper mèrito sò i colòne sonòre de tate série televizìe famùse che i è stàcie métide ‘n ónda da la RAI, compàgn de Sandokan, de Zorro, de Spazio 1999, de Orzowei e de Il corsaro nero e de tace cartù animàcc di agn 80 del sécol XX, compàgn de Galaxy Express, de I viaggi di Marco Polo, de Il Gatto Doraemon e de Rocky Joe (chèsta l’è stacia ‘ncìza col nòm de Gli Amici di Rocky Joe).

La sò cansù Santamaria l’è stàcia pròpe ü grant sücèso in Germania in del 1980.

La cansù de Zorro Is Back dal film Zorro (1975) l’è stacia metìda dét pò in de la colòna sonòra del film Un colpo da dilettanti (Bottle Rocket, 1996) del regista Wes Anderson.

Dezà che i à scricc e püblicàt pròpe tate cansù e colòne, i gh’à üt de bizògn de das tace suernòm per mia mandà fò i disch töcc co l’istès nòm e ‘ntazà isè ‘l mercàt, e pròpe per chèsto i sò produsiù discogràfeghe i è egnìde fò con tace nòm diferèncc, compàgn de Guido e Maurizio De Angelis, M&G Orchestra, Dilly Dilly, Oliver Onions; pròpe con chèsto nòm i à stampàt i cansù che i è piazìde de piö e che i à endìt de piö e l’è per chèsto che, de sólet, i è cognusìcc come Oliver Onions.

Come i a contàt sö piö de öna ólta, Oliver Onions (che tradüzìt in Lumbàrt l’è Oliviér Sigóle) l’éra ‘l nòm de ü romanzér ‘nglés, George Oliver Onions, e i l’là catàt fò dóma perché i dò paròle i sùna compàgn de come i se scrìf.

Ol de 3 noèmber del 2007 i è ‘ndài sö söl pàlch del Lucca Comics per ol sò prim consèrt dopo 25 agn de laurà.

Discograféa

33 gir

1966 - Beat melody (ARC, SA 19; püblicàt col nòm de The G. & M.)
1971 - Continuavano a chiarlo Trinità (colonna sonora) (RCA Original Cast, OLS 9; püblicàt col nòm de Guido e Maurizio De Angelis)
1972 - E poi lo chiamarono il Magnifico (colòna sonòra) (Smash, SM 901; püblicàt col nòm de Guido e Maurizio De Angelis)
1973 - Più forte ragazzi (colòna sonòra) (RCA Original Cast, OLS 14; püblicàt col nòm de Guido e Maurizio De Angelis)
1973 - La polizia incrimina, la legge assolve (colòna sonòra) (Beat Records Company, LPF 020; püblicàt col nòm de Guido e Maurizio De Angelis)
1974 - M&G Orchestra (RCA Italiana, TPL 1-1088; püblicàt col nòm de M&G Orchestra)

45 gir

1963 - Un vecchio macinino/La goccia d'acqua (CBS, BA 121030; püblicàt col nòm de Guido e Maurizio)
1971 - Trastevere/Kerry (It, ZT 7024; ol lato A l’è cantàt dal Nino Manfredi; püblicàt col nòm de Guido e Maurizio De Angelis)
1972 - Fortuna sì, fortuna no/Fortune for Two (It, ZT 7036; ol lato A l’è cantàt dal Enrico Montesano; püblicàt col nòm de Guido e Maurizio De Angelis)
1972 - When You Call My Name This Way/Remember (Smash, SM 6003; püblicàt col nòm de Guido e Maurizio De Angelis)
1973 - Mammasantissima/Il fox dell'irlandese (It, ZT 7050; ol lato A l’è cantàt dal Jenny Mc Kean; püblicàt col nòm de Guido e Maurizio De Angelis)
1973 - Sound and Voices/Wendy (RCA Original Cast, OC 30; püblicàt col nòm de Guido e Maurizio De Angelis)
1973 - Flying Through the Air/Plata and Salud (RCA Original Cast, OC 33; püblicàt col nòm de Guido e Maurizio De Angelis)
1973 - Afyon/Claude (Cinevox, MDF 038; ol prim disch ‘ndóe i à dovràt ol suernòm Oliver Onions)
1973 - Delitto di regime/Uno che seppe rispondere no (RCA Original Cast, OC 37; ol lato B l’è cantàt da Marianeve; püblicàt col nòm de Guido e Maurizio De Angelis)
1973 - Freedom rainbow/Chino (RCA Original Cast, OC 41; ol lato A l’è cantàt dal Canary Jones; püblicàt col nòm de Guido e Maurizio De Angelis)
1974 - (I'm) Footbal Crazy/Miss Elena (RCA Italiana, TBBO 1017; ol lato A l’è cantàt dal Giorgio Chinaglia; püblicàt col nòm de Guido e Maurizio De Angelis)
1974 - Dune Buggy/Across the Fields (RCA Italiana, TBBO 1026; püblicàt col nòm de Oliver Onions)
1974 - Una vita a metà/Mmm!?! (RCA Italiana, TBBO 1060; ol lato A l’è cantàt dal Giancarlo Giannini; püblicàt col nòm de Oliver Onions)
1974 - Why Is Everyone So Mad/London Town (RCA Italiana, TBBO 1072; püblicàt col nòm de Oliver Onions)
1974 - Verde/È difficile (RCA Italiana, TBBO 1074; püblicàt col nòm de M&G Orchestra)
1974 - White, Yellow and Black/Bump (Uba-lega-uga-la) (RCA Italiana, TBBO 1081; püblicàt col nòm de Dilly Dilly)
1975 - Zorro Is Back/To You mi chica (RCA Italiana, TBBO 1106; püblicàt col nòm de Oliver Onions)
1974 - Il marsigliese/Napoli oggi (RCA Original Cast, TBBO 1160; püblicàt col nòm de M&G Orchestra)
1976 - Sandokan/Sweet Lady Blue (RCA Italiana, TBBO 1168; püblicàt col nòm de Oliver Onions)
1977 - Orzowei/Le notti di Orzowei (RCA Original Cast, BB 6054; püblicàt col nòm de Oliver Onions)
1987 - Big Ocean/Cook (Kangaroo, ZB 41159; püblicàt col nòm de Guido e Maurizio De Angelis)

I arangiamèncc piö ‘mportàncc

1970 - Terra di Gaibola per ol Lucio Dalla
1971 - Storie di casa mia per ol Lucio Dalla
1971 - ...E se fumarono a Zazá per la Gabriella Ferri
1971 - Anima/Pioverà pioverà (45 gir) per ol Nicola Di Bari
1972 - L'amore è facile, non è difficile per la Gabriella Ferri
1973 - Sempre per la Gabriella Ferri
1974 - Remedios per la Gabriella Ferri
1975 - Tu anima mia/L'isola per ol Patrizio Alluminio
1975 - Ti fa bella l'amore per ol Nicola Di Bari

Cansù scrìcie per di óter cantàncc

1969 - Occhi buoni (45 gir) per i Beans
1970 - Tu felicità (45 gir) per la Angela Bini
1971 - Trinity Stand Tall/Remember (45 gir) per ol Gene Roman
1974 - Don't Loose Control (45 gir) per ol Patrizio Sandrelli
1974 - Goodbye My Friend/Drivin' All Around (45 gir) per Susy and Guy
1974 - Mañana/El barco de San Josè (45 gir) per i Barqueros
1975 - On My Way/Grey Hat (45 gir) per i Dream Bags
? - Lady of Germany... (bella bella tu), sigla di Action Now

Per saìn de piö

Ol sito internet