Георги Атанасов
| Георги Атанасов | ||
| ||
| Роден | 14 јануари 1880 Велико Трново, Бугарија | |
|---|---|---|
| Починал | 12 септември 1924 Горна Џумаја, Пиринска Македонија | |
Георги Атанасов Атанасов, псевдоними Моров, Петар Вангелов, Вангел Петров, Август, Беломорски, бил бугарски офицер, учесник во македонското револуционерно движење и член на Внатрешна македонска револуционерна организација.[1][2]
Животопис
[уреди | уреди извор]
Георги Атанасов е роден на 14 јануари 1880 година во Велико Трново. Од 1 јануари 1900 година е кадровски офицер во бугарската армија. Учествува во Балканската војна, Втората балканска војна и Првата светска војна. Во 1919 година Георги Атанасов е отпуштен од војската со чин потполковник. Тој бил четник во четата на Тодор Александров.[3] На 6 јануари 1922 година откако е предизвикан, во софиското кафуле „Панах“, ги убива петричкиот окружниот управник Васил Славов, началникот на 6-полициска станица и еден полицаец. Извесно време се крие во Софија, по што станува четник на ВМРО во Кочанско,[4] а подоцна бил назначен за специјален претставник на ЦК на ВМРО и за секретар на Алексо Василев - Пашата.
Георги Атанасов станува член на Тајниот воен сојуз. Заедно со Алексо Василев ја спроведуваат Неврокопска акција на ВМРО во 1922 година. Учествува и во 9-то јунскиот државен удар на Александар Цанков во 1923 година. Истата година со група четници, учествува во задушувањето на Септемвриското востание.[5] По Септемвриското востание (1923 година), доаѓа во судир со Тодор Александров.
Атанасов бил обвинет дека е еден од главните организатори на убиството на Тодор Александров во 1924 година. Поради тоа, по наредба на бугароманот Иван Михајлов, е убиен за време на Горноџумајските случувања на 12 септември во престрелка со групата на бугароманот Кирил Дрангов во Горна Џумаја, денешен Благоевград.[6]
Наводи
[уреди | уреди извор]- ↑ Гаджев, Иван. „Иван Михайлов - отвъд легендите“, Том I, София 2007, Университетско издателство „Св. Климен Охридски“, стр. 426
- ↑ „Заговорътъ противъ Тодоръ Александровъ. По данни на Вѫтрешната Македонска Революционна Организация“. София, 1924.
- ↑ Македонски историски речник. Скопје: ИНИ. 2000. стр. 50. ISBN 9989-624-46-1. На
|first=му недостасува|last=(help) - ↑ Михайлов, Иван. Спомени II. Освободителна борба 1919 - 1924, Льовен, 1965, стр. 128.
- ↑ Баждаров, Георги. "Моите спомени", София, 2001, стр. 128
- ↑ „Националноосвободителната борба в Македония, 1919 - 1941 г.“, Колектив, ИК „Знание“, София, 1998 г., стр. 133
