Antonio Petito

Antonio Petito (Napule, 22 giugno 1822 – 24 marzo 1876) attore teatrale, drammaturgo, maschera into tiatro napulitano. Fuje uno d''e cchiù canusciute Pulecenelle.^[1] L'attore Enzo Petito è 'o pronipote suojo.

Vita

Nascette a Napule 'o 22 giugno 'e 1822, figlio 'e Salvatore Petito, crescette int'a ll'arte d''o triato imparato d''o pate, canusciuto pulecenella pure isso. Nfamiglia 'o chiammavano Totonno 'o pazzo pecché steva sempe scuieto.^[2]

Accumminciaje 'a carriera soja int'a n'opera 'e Filippo Cammarano, Giovanni della Vigna 'o 1831, e se vestette cu 'a maschera 'e pulecenella 'a primma vota 'o 1841.

Fuje proprio 'o pate ca 'o 1852 lle cunzegnaje 'a maschera 'e pulecenella pubbrecamente.^[2]^[1] E po' ncopp''o San Carlino, rapprisentaje na parodia e ll'opera Il Trovatore 'e Verdi 'o 1854.

Int'ô 1870 na cummedia soja: 'O Munaciello dint'a casa 'e Pulicenella, stette 80 juorne ntriato.^[1]

Fuje int'ô San Carlino c''a sera d''o 24 'e màrzo 'e 1876, sofferette na crise cardiaca e murette.

Annummenata

'O 1982 'a RAI facette nu scenneggiato televisivo chiammato Petito story ncopp''a vita soja.

Nutarelle

↑ ^1,0 ^1,1 ^1,2 Encyclopedia of Italian Literary Studies. PP. 1401. Voce 'e Antonia Lezza.
↑ ^2,0 ^2,1 Piscopo, Ugo: Maschere per ll'Europa: Il teatro popolare napoletano da Petito a Eduardo, 1994, Ed. Scientifiche Italiane, Napule. Pp.1, 5

[EncyclopediaItLiteraryStudies-1] 1,0 ^1,1 ^1,2 Encyclopedia of Italian Literary Studies. PP. 1401. Voce 'e Antonia Lezza.

[Piscopo-2] 2,0 ^2,1 Piscopo, Ugo: Maschere per ll'Europa: Il teatro popolare napoletano da Petito a Eduardo, 1994, Ed. Scientifiche Italiane, Napule. Pp.1, 5

[1]

[2]