Saturno (dio)

Saturno (grieco antico Κρόνος, latino Saturnus) è nu dio int’â mitologgia rummana.

Saturno è nu Titano. Li Titane songo dùrece criature ’e Cielo e Terra. L’autre frate ’e Saturno songo ttre Cecrope e ttre Cientemane. Cielo s’ha miso appaùra dê criature suoje, e l’ha ’nzerrate adint’â panza ’e Terra, ’a mamma llòro. Saturno, nascuso adint’â fessa dâ mamma, tagliaje ’o cazzo dô pate e lo jettaje int’ô mmare. Accussì Vènere è nata â scumma dô mmare.

Aroppo, Saturno pigliaje pe mmuglièra ’a sora soja, Opi, cu ccue ha fatto seje criature, ttre fèmmene e ttre màscule. Saturno se magnava ’e criature sùbbeto quanno nascèvano. Opi sarvaje solo all’ùrtemo masculo, Giove, ca luttaje càta ’o pate e llibberaje li frate suoje, Nettunno, Prutone, Junone, Cerere e Vesta.