Gele gis

Emberiza citrinella

De gele gis (oek wel: t geelgisjen of de gis; Emberiza citrinella) is n zangvoegel, uut de familie van de Emberizidae. t Is n stand- en zwarfvoegel die iets groter is as de mors. n Gele gis kan oengeveer 16,5 sentimeter groot worren. De gele gis leeft veural van zaojen mar in de breuitied oek van wurmen en insekten. t Nest van de gele gis zit op de groend tussen hoge planten en struken.

Verspreiding

De gele gis komt veur in heed begreuid mit veer uut mekaar staonde bomen, in bosranden, wegbarmen en in hegen en houtwallen. Deur t verdwienen van hegen en houtwallen is de gele gis in de twientigste eeuw stark achteruutegaon. De gele gis stung op de Nederlandse rooie liest van voegels, mar deurdat de populaosie zien eigen an t herstellen is, staot disse voegel niet langer op de rooie liest.

Nedersaksies

Drèents:
- geelbörstien
- geelgors
- geelvink
- geelgorre, gelegorre, gelegörre (VK, ZOD)
- gelegor (MD)
- gelegors (ZOZ, ZWD)
- gelegorze (ZOV)
- gelegouw (ZOD)
- gèlegouwe, gèelgouwe (ZWZ)
- haverkneutje (ZOZ)
- knieper (ZOV)
- knuter (MD, ZOV)
- knuut (ZOV)
- wielewaal (ZWD, ZOD)
Grunnegs:
- geelgoddel
- geelvink
- gele gorre
Sallaands:
- gaele gure (Zwolle)
- gelle gure (Raolte)
Stellingwarfs:
- geelmuske
- gele gouw(e)
- schele vinke
- strontmuske
Veluws:
- geelgors
- gaelgors (Vaossen)
- gors (Apeldoorne)
- geelgisje(n) of gis(jen) (Putten)
- gele gis (Putten, Oldebroek, Wezep)
- gele gister (Nunspeet)
- geelgaarsje (Zwartebroek)
- geelgaorsje (Garder)
- gaele garste (Heerde, Emst)
- gaele gärste (Vaossen, Emst)
- gaele gors (Attem)