Jan de Beijer

Jan de Beijer (Aarau (Zwitserlaand), 24 september 1703 - Emmerik, 15 februari 1780) was nen Nederlandsen tekenaar van stads- en darpsgezichten uut de 18de eeuwe.

Laevensloop

Jan de Beijer is geboaren in Zwitserlaand, woar zien vader Johan Jacob de Beijer huurlingen weerf veur de Republiek der Zeuven Veraenegde Provinsien. Toon hi-j 6 joar old was verhuusden Jan de Beijer met ziene olders noar Emmerik.

Rundumme 1722 ging Jan de Beijer noar Amsterdam um bi-j Cornelis Pronk et tekenvak te leern. Cornelis Pronk (Amsterdam, 1691-1759) was in dee tied den bekendsten topografiesen tekenaar van de Nederlanden. Noadeen wonden De Beijer in Emmerik en Vierlingsbeek van woaruut hi-j tochten undernam um tekeningen te maken in Limburg, Gelderlaand, Oostelek Braobant en et gebeed van den Nederrien van Emmerik en Kleef tot Uerdingen. Völ van ziene warken wodden as ofbeelding in beuke op-enommen, woaronder "Het Verheerlykt Nederland", ne uutgave in 9 delen van 1745 tot 1774. Ok wodden ziene tekeningen völ deur partikulieren ekocht.

In 1751 vestigden De Beijer zich in Amsterdam, woarnoa den noadrök van zien wark op et gebeed rundumme Amsterdam en Haarlem kwam te liggen.

Noa ziene warkzaome tied in Amsterdam ging De Beijer vort noar et gebeed rundumme Kleef (woar is unbekand). Hi-j oaverlaed in Emmerik.

Tentoongesteld wark van Jan de Beijer

Warken van Jan de Beijer wodt onder meer bewoard in:

Rieksprentenkabinet in Amsterdam.
Stadsarcheef Amsterdam.
Museum B.C. Koekkoek-Haus in Kleef
Rheinmuseum in Emmerik
Windsor Castle bi-j Londen: ofbeeldingen van Emmerik en Xanten
Städelsches Kunstinstitut in Frankfurt am Main
Gemeentemuseum in Arnem
Staedelek Museum in Zwolle

Commons: Jan de Beijer - plaatjes, filmkes en/of gelüüdsbestanden.