Betogspunkt
En Betogspunkt (ok Basis-, Datums- oder Referenzpunkt) is en geometrisch defineerboren Punkt, op den Meten un Bereken betogen warrt. De Betogspunkt is dormit en Deel vun en Betogssystem. Dormit een en Oortsvekter angeven kann, mutt eerst en eendüdigen Betogspunkt fastleggt wesen.
En faken utwählten Sünnerfall is de Wahl vun den Betogspunkt Null, de denn ok Nullpunkt nöömt warrt. De Meetweerten vun’t Koordinatensystem warrt dorbi in de een Richt (tomeist free defineert) as positiv ansehn, bi en Twee-Quadrantensystem warrt de annere Richt as negativ betekent.
Bispelen für Betogspunkten:
- Nullpunkten gifft dat:
- Bi en Meetskala
- In’t Koordinatensystem de Koordinatenoorsprung as sünneren Nullpunkt.
- en Fundamentalpunkt btw. Geodätisch Datum in de Geodäsie.
- en middleren Waterstand an en Pegel as Betogspunkt för de Landhööch.
- Middelpunkten:
- för dynaamsch Ünnersöken is dat tomeist de Swoorpunkt.
- för geometrische Ünnersöken is dat de geometrische Middelpunkt.
- dat Gravizentrum vun en Himmelskörper.
- wat bi de Eer as Geozentrum betekent warrt.
- de Eer-Maand-Swoorpunkt in dat System vun de beiden.
- oder för’t Sünnsystem dat Baryzentrum
- de Oort an den sik en Bekieker jüst ophollt warrt allgemeen as Standpunkt vun’n Beobachter betekent.
- oder even elk free wählten Fixpunkt.
