Elizabeth Mitchell (Schauspelersche)

Elizabeth Mitchell, 2013

Elizabeth Mitchell (* 27. März 1970 in Los Angeles, Kalifornien) is en US-amerikaansche Schauspelersche.

Leven un Wark

Mitchell is in Dallas, Texas, as Dochter vun twee Stüürafkaten mit egene Firma opwossen. In de Stadt hett se later ok de Booker T. Washington High School for Performing and Visual Arts besöcht. Op’t Stephens College in Columbia, Missouri, un op de British American Drama Academy in London hett se Schauspeleree studeert, wat se mit en Bachelor of Fine Arts (BFA) afslaten hett.

De eersten Johren hett se ehrn Beroop vör allen op verscheden Bühnen in’t Vereenigt Königriek un in de USA utöövt. Söss Johren lang weer se Liddmaat vun’t Dallas Theatre Centre un een Johr bi de Theaterfrupp Encore Company, woneem se ünner annern in’t Musical Chicago optreden is. Speelt hett se ünner annern ok Rullen in de Shakespeare-Stücken As You Like It un Measure for Measure.

Ehr eerste Feernsehrull kreeg se 1993 in en Episood vun Dangerous Curves. Bekannt worrn is se as Filmdorstellersche 1998 an de Siet vun Angelina Jolie in den Film Gia. Dorna hett se in tallrieke, ünner annern ok bekannte Filmwarken mitspeelt un harr Gastrullen in enige Feernsehregen so as Chaos City, Boston Legal oder Dr. House. Vun de drüdden Staffel an höör se af 2006 to de Stammbesetten vun de Feernsehreeg Lost, un harr 2009-201 de Hööftrull in de ABC-Reeg V.

In’t Johr 2004 hett Mitchell den Schauspeler Chris Soldevilla heiraat, mit den se en Söhn (* 2005) hett. Se leevt op Bainbridge Island (Puget Sound) in’n US-Bundsstaat Washington.

Filmografie (Utwahl)

Johr	Titel	Synchroonsnacker
1996	L.A. Firefighters, Feernsehepisoden
1997	Comfort, Texas, Feernsehn
1998	Gia dt.: Gia – Der Preis der Schönheit	Katrin Fröhlich
1998	Significant Others, Feernsehreeg
1999	Molly
2000	Frequency	Madeleine Stolze
2001	Hollywood Palms
2000-01	ER, Feernsehreeg dt.: Emergency Room – Die Notaufnahme	Sabine Arnhold
2001	Double Bang
2002	The Santa Clause 2 dt.: Santa Clause 2 – Eine noch schönere Bescherung	Katrin Fröhlich
2004	Gramercy Park, Feernsehn
2006	Running Scared dt.: Running Scared - Renn oder Stirb	Ulrike Möckel
2006	The Santa Clause 3: The Escape Clause dt.: Santa Clause 3 – Eine frostige Bescherung	Katrin Fröhlich
2006-10	Lost, Feernsehreeg	Andrea Aust
2009-11	V, Feernsehreeg dt.: V – Die Besucher	Ghadah Al-Akel
2011	Answers to Nothing
2013	Kristin’s Christmas Past
2012-14	Revolution, Feernsehreeg	Tatjana Pokorny
2014	Once Upon a Time, Feernsehreeg dt.: Once Upon a Time – Es war einmal…	Elisabeth Günther
2015	Crossing Lines, Feernsehreeg	Andrea Aust
2016	The Purge: Election Year	Christin Marquitan
2016	Dead of Summer, Feernsehreeg

Utteken

Mitchell weer al teihnmol vör Film- un Feernsehprieesn vörslahn, dorünner eenmol för den Primetime Emmy. Uttekent worrn is se eerst eenmol, neemlich 2008 mit den Saturn-Pries in de Kategorie Best Nevendorstellersche in’t Feernsehn för ehr Rull in de Reeg Lost.

Weblenken

Elizabeth Mitchell. Mehr Biller, Videos oder Audiodateien to’t Thema gifft dat bi Wikimedia Commons.

• Elizabeth Mitchell in de Internet Movie Database (engelsch)